老厝邊

營業中

休息中

呢間位於荃灣廣場附近嘅台式餐廳，有勁多台式嘢食，最正嘅係晚市唔收+1服務費。所以我得閒行過都會過嚟幫襯吓。坐低之後侍應會比個QR code你自己落單，我點咗個牛肉麵同埋一杯嘢飲。🍜 眷村牛肉麵 $70揀左紅燒湯底，好濃牛肉香味，牛肉有4-5大塊，每舊都好厚、入口軟淋、夠晒入味😋。麵質方面偏軟同滑口，搭配埋帶小小微辣的酸菜、蘿蔔同菜，好飽肚🤤。🧋珍珠黑糖鮮奶 $28食台式野點少得飲品，珍珠新鮮煙靭彈牙，勁多黑糖，有點甜。