三叔公牛骨湯粉粥麵館 (已結業)

呢間店有兩個舖喺埋一齊，一間賣鹵水鵝外賣廍，一間係主打牛腩牛什嘅餐廳，作為牛粉嘅我，就緊係要試試。室內座位較鬆動，坐得舒服，侍應招呼殷勤，但嘅係QR落單，係傳統人手落單。睇個餐牌，崩沙腩麵好有信心地叫價$58碗，掃落去就見牛沙瓜$48，最終貪新鮮就叫咗碗牛沙瓜麵，因為好少見到，更好少食。牛沙瓜即係牛嘅第四個胃，俗稱皺胃，佢啲皺頁炆到夠哂稔，有啲霉了，胃身就有啲彈力，有啲嚼勁，湯底話明係牛骨湯，冇欺場，鮮甜好飲，必見底，下次再嚟。