麻辣串串香

營業中

休息中

以前去楊屋道經過有食過的麻辣串串香， 今日經過發現重新裝修咗環境幾舒服就去試下。而家多咗好多嘢食，有米線，拉麵,韓式石頭鍋飯,小食同串燒等等。試咗幾款招牌串燒，小食同米線。尖椒皮蛋皮蛋流心，配埋爽脆尖椒同麻辣汁，開胃又過癮 芝士蘑菇蘑菇上面層芝士香濃得嚟唔膩，好味蒜香焗金菇金菇吸盡蒜蓉牛油香， 金菇嘅鮮甜味帶哂出嚟。 秘製豬頸肉肉質爽彈，秘製醬汁帶蜜糖甜同麻辣香花虎蝦有手掌咁大隻，燒到蝦殼脆卜卜，蝦肉鮮甜彈牙！主打美食雲南米線湯底麻辣鮮香，米線滑溜，加埋串燒一齊食超滿足。串燒即叫即燒，火候控制得好好，麻辣調味夠正宗， 啱曬一班朋友鍾意食咩都可以滿足到。