18樓雞煲火鍋專門店

營業中

休息中

呢排減肥減得好辛苦，偶然都想放縱下，於是乎就同男朋友黎咗荃灣食雞煲，又好味又可以揀啲少澱粉質嘅嘢，何樂而不為？雞煲一拎過黎已經聞到振又麻又香嘅味，我地精神即刻為之一振。夏天就係食辣嘢可以提振胃口，雞煲的確係一個好選擇。雞肉嫩兼香辣撲鼻，更正嘅係洋蔥。佢唔係普通洋蔥，係紫洋蔥，同啲辣汁好夾，同雞肉一齊擺入口更加係襯到絕一絕。食曬啲雞之後就加豬骨湯，啲湯係濃白色，睇得出係真材實料嘅豬骨湯。再喺電話度嘟code嗌嘢食。印象最深嘅係佢啲生根，索曬湯汁之後極好味，我同男朋友encore咗三四次都唔夠。仲有啲海蝦都好出色，食得出係新鮮嘅，蝦肉緊實有彈性。喺雞煲度食到啲咁高質嘅海鮮好難得，要讚一讚餐廳。炸物都好食，尤其係炸蕃薯。啱炸起熱辣辣，外皮酥脆內裏軟綿綿。食幾啖鹹嘅再食少少甜嘅嘢，零舍好味。餐廳環境闊落，坐得舒服，無論同屋企人定係朋友食飯都係一個好選擇。