18樓雞煲火鍋專門店

環境舒服，有幾個套餐選擇，食物唔錯， 指定食物及飲品免費，火鍋配料任叫，職員服務態度好！我哋五個人有兩個雞煲，有辣有唔辣，雞肉質素唔錯， 請整體無論地方及食物及職員畀個like。…Read More

一班人諗住聚腳嘅話，好推介呢一度！間餐廳處於荃灣西同荃灣中間，地方方便。成棟建築物都有好多雞煲，火鍋等等嘅餐廳。咁啱朋友揀咗呢一間餐廳，所以一於試一試。一入到去，見到間餐廳好多卡位，環境好闊落。個雞煲都算多雞，同埋好多嘢都係自助。食物嚟講都算多選擇，有好多丸，同埋常見嘅火鍋食材，例如牛柏葉同金錢肚。但我最欣賞係，佢有好多蔬菜嘅選擇，例如油麥菜，娃娃菜，亦都有蔬菜籃可以自己拎。啱曬一啲重視健康嘅人。同埋最驚喜係佢有部棉花糖機！出面商場都$50 一次，但呢度可以免費整即刻少女心爆棚，整咗個花花樣嘅棉花糖出黎…Read More

已經係揀最貴既套餐C，估唔到啲雞雞完全無味，上到台無香氣已經知瀨野。講到有五六款牛揀咁勁，又有和牛，叫住一半留嚟試吓先，牛肩隻、所謂和牛、牛小排都係又肥又蘇，平時好鍾意食牛，未試過叫一round都食唔完，真係每碟得幾片牛都搞唔掂。鯇魚片勁蟹口，鱔片薄過張紙，其他邊爐配料都費事彈。所謂任飲啤酒係獅威ICE，arsahi 要另收$12罐，其他自選飲品選擇都係少，成餐飯一樣好食既都搵唔到，人均$360 ，真係食咩都好過食呢間，唔明點解呢間嘢仲可以喺創興做落去。真係好耐未食過咁差嘅雞煲，難怪星期五晚都坐得一半。…Read More

好耐冇食18樓雞煲揀咗最貴個餐，仲有好多其他小食雞煲啲雞都好滑有得玩整棉花糖，食咗兩支我哋食晚市時間，唔多人，本身寫明係限時兩個鐘，但係我哋過咗鐘啲員工都冇計較，我哋坐喺度都係傾偈多，但係有啲任食嘅會好計住時間， 1分鐘都唔會俾你超，例如「一X堂」，呢間唔計較我覺得幾好，又坐得舒服，兩個人可以坐大卡位會再幫襯的…Read More

尋日四個大人加一個8歲嘅小朋友，佢收左五個成人價錢連加一，$1,2xx...原因係130cm 以上當成人計數，其實咁樣都唔緊要。。但原來雞煲只可以食一次，無添加。。洋蔥要4另加15蚊一份。。坦白講四個大人一只雞，完全唔抵食。。。加上無人service... 全自助。。。唔會再幫親…Read More

朋友話呢間18樓雞煲，食物款式好多， 好抵食， 行街又見到好多人排隊， 所以今次就一於黎試試！我哋一行四人， 六點到就到咗餐廳， 呢個時間到唔係好多人， 好清淨。 一入到去餐廳裝修好光猛， 環境都好乾淨， 啱啱到食物擺放得好整齊。首先嚟咗個雞煲， 煲入面雞好多， 又大件， 醬汁濃鬱，香噴噴！ 值得推介。雞食到咁上下， 就可以叫打邊爐食物， 豬牛可以任叫 ，放題食物款式好多， 琳瑯滿目， 食物都好新鮮， 另外又有啲熟食， 炸物炸得好香口。嚟呢間18樓雞煲， 包你食得好滿足好滋味。 食物質素都唔錯， 值得推介！…Read More

8月27號7點幾入坐，同行三個人食食下，有隻拇指指甲咁大隻嘅曱甴，喺枱邊擋板行過，爬咗落張凳度。當時已叫職員處理，經理安排換枱，然而換枱之後，仍然發現有曱甴在枱面爬過，衛生情況令人擔憂。事後亦無任何處理，或者道歉。只是聲稱昨日滅蟲使曱甴全都跑出來，態度冷淡。…Read More

有一段時間冇嚟食，之前每次都係嚟食豆腐卜包肉，得佢呢度有得食，點知冇咗，最難接受就係牛丸差咗好多，仲有發現冇咗胡椒豬肉丸，湯底都差咗，真係幾失望。旺角同荃灣我都有去，唔知旺角嗰邊有冇得唔食…Read More

今晚同老朋友出來荃灣打邊爐，好耐未試過呢間18樓雞煲，佢真係大鴻輝上面18樓。唔知其他分店係咪都係18樓？希望老闆見到我篇文章可以回應一下，哈哈。😄我同朋友差不多每兩星期打邊爐一次，今次要讚下佢地：- 上野食好快：下單用QR Code點完唔使5分鐘就送到，速度真係一流！🚀- 野食多選擇：出面熱食仲有咖哩魚蛋同瑞士雞翼，整呢啲都好花心機，同埋有雪糕、yogurt機，真係好豐富！🍡🍗🍦- Spicy雞煲: 都算嫩滑, 足料🍗- 座位坐得舒服：好多卡位可以最少坐4個人一台，聚會首選！🛋️- 棉花糖機好好玩：小朋友見到一定好開心！（睇我有上載影片）🍭🎥我地星期五夜晚去，每人選最平個餐$238加一，依然有海蝦同白鱔片，佢脆肉鮠魚腩真係脆，最重要係食到透明嘅脂肪，好好食！🦐🐟美中不足：- 啤酒要計錢：呢點有啲可惜，如果可以包埋啤酒就完美了。🍺- 加雞煲要加錢: 我見出面食雞煲打邊爐可以再免費加雞的, 但佢就要加$48加一次雞🍗- 出餐量按人數：我點每樣20份都好，佢只會按人數出咁多件比你，所以只好隔幾分鐘又點一次。😅- 最後訂單安排：雖然我地食咗2個鐘，佢地冇催我地走，但90分鐘後QR Code就無法再掃瞄落單，而且都冇提醒我地最後訂單，呢點可以改善下，同多返啲人情味，畢竟我地唔係多人食唔多，都係想叫多最後一次。總結來講，18樓雞煲嘅打邊爐體驗真係唔錯，服務快，選擇多，環境舒服，唯一係啤酒唔包、出餐量有限制同最後訂單安排欠人情味。不過，呢度依然係打邊爐嘅好選擇！🍲👍希望大家可以去試下，睇下你地嘅感受係點！🔥✨…Read More

好耐冇嚟食雞煲四個人食咗兩個鍋一個係唔辣，一個係中辣中辣嘅味道越食越辣好惹味不過加咗湯之後就開始唔辣了乳酪同埋雲呢拿，我覺得雲呢拿好食好多牛肉算中規中矩👍🏻…Read More

好耐未嚟過18樓雞煲上到嚟裝修過哂 感覺好乾淨今次就叫咗個B餐 一嚟就整咗個雞煲先跟手再打邊爐 呢個餐除咗肥牛之外 多咗款美國安格斯牛頸脊不過今次啲牛肉我就唔係幾欣賞 無咩牛味呀😭😭😭😭仲有小小海鮮 其中隻韓性肥蠔性格比高出面仲有自助區 有好多各式各樣火鍋配料雪糕炸物可以自助拎 比較特別係佢仲有部棉花糖機職員都好好 好有禮貌 但唔知係咪唔會幫手煮個雞煲🙈🙈佢擺低咗就走咗 😂 要自己慢慢試下佢熟未自己玩下都幾好嘅…Read More

朋友去行街，突然想食雞煲就去呢間食下！點知咁多野食！放菜項目也有很多選擇,讓人吃得盡興到撐。不管是小食、蔬菜、肉類還是海鮮,都可以自由搭配口味到自家喜歡。店內環境整潔寬敞,價錢也很實在,感覺好值得啊。還有他們家自製的冬瓜茶,清爽解渴之餘,也有助於身體,算是特色之一吧。飲料包裝得那麼乾淨又方便,更顯衛生。…Read More

平時見大鴻輝18樓雞煲經常都排長龍，每次想食都要預早去攞定飛，今次提早去終於有位！平時食雞煲都唔係好食得辣，呢一間18樓雞煲好好，客人可以自己選擇辣度，咁就唔使好似出面雞煲咁一定要食辣，就連唔鍾意食辣嘅我都可以放心食！出面自助吧枱有好多唔同款式嘅蔬菜同飲品，食完第一轉雞煲仲可以要求加湯！變成打邊爐！簡直係又可以食到雞煲，又可以打邊爐放題😚😚落單先會叫到肉類例如平時打邊爐會食開嘅雪花肥牛，豬肉，雞肉都有好多唔同款！出面自助凍櫃仲有好多唔同丸類，例如香菇貢丸，牛筋丸，芋心貢丸呢啲特別嘅丸類！連陳皮魚蛋都可以有得食！當然唔少得台灣一口腸同埋金針菇呢啲平時都有嘅嘢！飲品方面都有好多唔同類別，例如可以冬瓜茶，羅漢果茶都可以飲到，又可以享受打邊爐又可以一邊清熱，簡直一舉兩得！…Read More

價錢唔會太貴，雞肉質素一時好一時差，但雞汁好好食，唔食得辣都可以試下bb味，飲品有選擇都多，近期見到有新出棉花糖機，同朋友仔聚會推薦人數4人，大枱唔多walk in7-8人有機會分台坐。…Read More

Chicken Pot                              The broth, rich and flavorful, boasted a perfect balance of savory and spicy notes, leaving a lingering warmth with every spoonful.  Fat Cow                          The quality of the beef was exceptional, reflecting the restaurant's commitment to using only the finest ingredients. A true indulgence for meat lovers.  Cheese Ice Cream                            The cheese flavor was subtle yet distinct, offering a refreshing departure from traditional desserts.    Winter Melon Tea                         The natural freshness of the winter melon infused every sip, leaving a cool and invigorating sensation that was both soothing and satisfying.…Read More