一鍋堂 (大鴻輝(荃灣)中心)

營業中

休息中

秋高氣爽又係打邊爐嘅季節, 呢間火鍋專門店位處荃灣大鴻輝嘅19樓, 一出電梯後我就畀嗰塊banner所吸引, 有一種朋友叫打邊爐的爐友。店內空間寬敞闊落，仲採用私隱度較高的全卡座設計，啱晒一班朋友圍爐取暖。呢間餐廳一共有15款特色湯底可供選擇, 今次是搞搞新意思, 試咗個鴛鴦湯底。 一邊係忌廉週打蜆金寶湯湯底, 另一邊潮汕湯底。 兩款湯底都鮮味十足。由於呢個湯底係一鍋堂同金寶湯聯乘推出, 仲送咗一套精美餐具添!120分鐘晚市火鍋放題分為精選進口肉、特選安格斯牛及高級澳洲和牛3款套餐可選。今次叫左B餐, 每位$238,性價比極高❗️呢個餐包括美國安格斯牛肉、封門柳、牛脷心托、美國安格斯精選牛板腱、西班牙粟飼豬、紐西蘭羊卷肉全部任食🤤另外亦有熟食區、火鍋配料區、飲品櫃、雪糕機，擺得好企理，Refill速度都好快！飲品選擇方面同樣非常豐富，除了罐裝或盒裝飲品，餐廳更有多款手作花果茶，包括如滋潤冰糖燉檸檬、碟豆花茶、養生洛神花茶、提神薄荷烏龍茶等等。