影片
更多
2024-01-02
210 瀏覽
位置：La Mensa Grill & Bar (Plaza 88) (荃灣)荃灣楊屋道88號Plaza 88地下5-7號舖(唔洗行入商場，間舖係商場外圍）食後感：高質浪漫西餐廳，每碟份量都好大份，味道都唔錯。眼見侍應全部係外國人，待客都非常有禮。味道：精選餐湯（松露蘑菇）（$75）忌廉黑松露湯，黑松露勁香，奶味濃郁，配埋蒜茸包，正到爆，佢蒜茸包焗到岩岩好，食落唔會介口。野生蘑菇意大利麵（$142）餐湯已經咁正，本身以為同餐湯一樣味，點知呢個意粉更加有驚喜，蘑菇味超突出，份量又多，食到好滿足。牛油咖喱雞（$182）唔食得辣既朋友要小心啦，佢應該有十小至三小辣咁辣，牛油雞唔會太重香料味，配埋塊印度蒜茸烤餅，塊烤餅重長過塊面，小小酸小小辣，好惹味。甜品香草焦糖布丁（$80）依個甜品係凍既，布丁夠滑夠奶，配埋焦糖脆面，好有口感。蘋果金寶（$80）蘋果酸甜度岩岩好，件數又夠多，食落有小小八角味，食完即卡消滯。好味指數：蘑菇意粉世一，下次再黎我一定要食返蘑菇意粉
荃灣楊屋道88號Plaza 88地下5-7號舖(唔洗行入商場，間舖係商場外圍）
食後感：高質浪漫西餐廳，每碟份量都好大份，味道都唔錯。眼見侍應全部係外國人，待客都非常有禮。
味道：
精選餐湯（松露蘑菇）（$75）
忌廉黑松露湯，黑松露勁香，奶味濃郁，配埋蒜茸包，正到爆，佢蒜茸包焗到岩岩好，食落唔會介口。
野生蘑菇意大利麵（$142）
餐湯已經咁正，本身以為同餐湯一樣味，點知呢個意粉更加有驚喜，蘑菇味超突出，份量又多，食到好滿足。
牛油咖喱雞（$182）
唔食得辣既朋友要小心啦，佢應該有十小至三小辣咁辣，牛油雞唔會太重香料味，配埋塊印度蒜茸烤餅，塊烤餅重長過塊面，小小酸小小辣，好惹味。
甜品
香草焦糖布丁（$80）
依個甜品係凍既，布丁夠滑夠奶，配埋焦糖脆面，好有口感。
蘋果金寶（$80）
蘋果酸甜度岩岩好，件數又夠多，食落有小小八角味，食完即卡消滯。
好味指數：蘑菇意粉世一，下次再黎我一定要食返蘑菇意粉
張貼
