影片
更多
2025-06-06
187 瀏覽
呢排試緊低碳減肥法，想搵返啲可以就咁食菜同食肉嘅餐廳，咁啱又住荃灣嘅朋友介紹我識呢間串燒居酒屋。星期五晚八點幾去等位，都等咗一兩張先入座，好似幾受街坊歡迎。前菜✨ free送咗個前菜俾我哋食，係漬蕃茄，好fresh😋蟹肉脆皮沙律✨$46呢個好有驚喜，沙律嘅調味啱啱好，入面撈左蟹肉、蟹籽、洋蔥同埋一啲蝦肉，好鮮味！而個容器係用春卷皮炸嘅兜兜，扑爛佢之後撈埋啲沙律食好有口感，成件事都好夾！網燒牛扒✨$88用嘅牛扒都好有牛味，個底有少少照燒汁，側邊仲有啲沙律菜加芝麻醬，所以食落都唔會太膩，不過個人覺得如果牛扒可以再生少少就更好啦~蒜蓉燒扇貝（2隻）✨$80扇貝比想像中大隻，連埋啲蒜蓉同汁嚟食，都好鮮甜。燒明太子雞翼✨ $27@燒得幾好，外脆內軟。牛油焗雜菌✨ $50本身都有啲驚調味會太重，因為好多串燒店嘅焗雜菌都好重口味下，但佢調味做得唔錯，食到牛油香之餘，仲用咗少少黑椒同蒜嚟調味，我自己加咗少少柚子粉落去，變落去多咗少少甜味，更加好味左！芝士流心蛋大啡菇✨ $38呢個我覺得好好味，入面有洋蔥加流心蛋，上面加塊芝士，焗完真係超級Juicy又好香！清酒煮蜆✨$52啲蜆肉同個湯好鮮甜，而且粒粒都
星期五晚八點幾去等位，都等咗一兩張先入座，好似幾受街坊歡迎。
前菜✨ free
送咗個前菜俾我哋食，係漬蕃茄，好fresh😋
蟹肉脆皮沙律✨$46
呢個好有驚喜，沙律嘅調味啱啱好，入面撈左蟹肉、蟹籽、洋蔥同埋一啲蝦肉，好鮮味！而個容器係用春卷皮炸嘅兜兜，扑爛佢之後撈埋啲沙律食好有口感，成件事都好夾！
網燒牛扒✨$88
用嘅牛扒都好有牛味，個底有少少照燒汁，側邊仲有啲沙律菜加芝麻醬，所以食落都唔會太膩，不過個人覺得如果牛扒可以再生少少就更好啦~
蒜蓉燒扇貝（2隻）✨$80
扇貝比想像中大隻，連埋啲蒜蓉同汁嚟食，都好鮮甜。
燒明太子雞翼✨ $27@
燒得幾好，外脆內軟。
牛油焗雜菌✨ $50
本身都有啲驚調味會太重，因為好多串燒店嘅焗雜菌都好重口味下，但佢調味做得唔錯，食到牛油香之餘，仲用咗少少黑椒同蒜嚟調味，我自己加咗少少柚子粉落去，變落去多咗少少甜味，更加好味左！
芝士流心蛋大啡菇✨ $38
呢個我覺得好好味，入面有洋蔥加流心蛋，上面加塊芝士，焗完真係超級Juicy又好香！
清酒煮蜆✨$52
啲蜆肉同個湯好鮮甜，而且粒粒都脹卜卜，呢個價錢嚟睇真係好抵食，保守估計都有10幾20粒蜆肉，推薦！
唔小心嗌咗好多串燒🤣整體嚟講都燒得好香脆，而且每一串份量都好足😱我最欣賞嘅係豚肉本菇卷，平時食肥牛金菇卷就食得多，其實次次都好驚咬唔爛啲金菇好難吞，但呢個豚肉半菇卷完全冇呢個問題，外面嘅豚肉香脆得來，入面嘅菇有好Juicy易咬！不過個人覺得鹹咗啲啲，如果淡番啲就Perfect！
整體嚟講，呢間串燒居酒屋嘅食物都好出色，而且食物選擇好多🤣建議大家嚟到唔好淨係識串燒，要試埋其他嘢呀，個人認為佢之前菜同小菜都好出色！
張貼
