WM Café & Bar (海之戀商場)

營業中

休息中

Work from home 帶呀媽去荃灣西海之戀lunch搵野食，估唔到係咁令既商埸竟然有間唔洗收加一服務費既Cafe, 環境仲要相當舒適，我地都係牛既鐵粉，叫左烤燒紐西蘭肉眼扒，意粉份量極多，最估唔到既係肉眼扒竟然有兩大舊，超抵食，肉質方面係幾唔錯既，無咩筋、塊扒偏瘦，煎得比較熟，叫7成但接近全熟。另外叫左香煎牛柳跟薯菜，薯條新鮮即炸，夠曬熱同脆!!牛柳都係偏熟，肉質都幾嫩口，仲有龍蝦湯都好足料同埋好香，真係有食到龍蝦肉，算係好有誠意既餐湯!跟餐要左Latte, 勁大杯，味道同係大型連鎖咖啡店飲到既味道差唔多，呀媽話杯Cappuccino好飲，2個人埋單都係HK$186, 性價比好高，仲有好多個餐都想試。