影片
更多
2024-04-06
104 瀏覽
《DAY22 STEAK》又係荃灣搵食團！呢排係唔係俾餐廳結業嘅新聞洗版？今晚呢間餐廳，如圖所見，排隊呀！街舖排隊呀！一定有料到！我先講講我食完嘅結論，就係性價比之王。如果你想一班食肉獸開開心心食餐勁！荃灣我推介呢間。特別係，如果你老豆生日，黎食一定冇我輸。鵝肝配厚切美國平鐵牛扒（12安士）$198+$58轉套餐美國牛柳(8安士)$148+$38轉套餐我先俾少少貼士大家！佢轉套餐有3級，$38/48/58。全部都有湯有野飲加一個沙律／意粉／薯條，$48勁大杯，你睇下張圖！目測杯野600ml左右，女仔要雙日先攞得穩。所以個人建議起碼叫$48，如果你請老豆黎，叫$58有埋酥皮湯，開心好多！其實$198一件安士牛扒加鵝肝，真係好難得。鵝肝油香勁，大大件！拎上黎已經開心！好難怪要個市道唔好都要排隊。如果想食鬆軟就叫牛柳，你唔好睇佢呢個價錢以為係你食開老牌扒房質素。呢度冇鬆肉粉，冇奇奇怪怪醃過件牛，真材實料一件美國牛俾你。我特別要提下大家，佢個意粉係值我叫。我本身以為佢又係硬硬地冇咩汁果d意粉。點知意粉就show到餐廳功架，口感剛好，唔會煮過龍。個汁好掛麵，都好濃郁。沙律我就冇試，但如果意粉同薯
又係荃灣搵食團！呢排係唔係俾餐廳結業嘅新聞洗版？今晚呢間餐廳，如圖所見，排隊呀！街舖排隊呀！一定有料到！我先講講我食完嘅結論，就係性價比之王。如果你想一班食肉獸開開心心食餐勁！荃灣我推介呢間。特別係，如果你老豆生日，黎食一定冇我輸。
鵝肝配厚切美國平鐵牛扒（12安士）$198+$58轉套餐
美國牛柳(8安士)$148+$38轉套餐
我先俾少少貼士大家！佢轉套餐有3級，$38/48/58。全部都有湯有野飲加一個沙律／意粉／薯條，$48勁大杯，你睇下張圖！目測杯野600ml左右，女仔要雙日先攞得穩。所以個人建議起碼叫$48，如果你請老豆黎，叫$58有埋酥皮湯，開心好多！
其實$198一件安士牛扒加鵝肝，真係好難得。鵝肝油香勁，大大件！拎上黎已經開心！好難怪要個市道唔好都要排隊。如果想食鬆軟就叫牛柳，你唔好睇佢呢個價錢以為係你食開老牌扒房質素。呢度冇鬆肉粉，冇奇奇怪怪醃過件牛，真材實料一件美國牛俾你。我特別要提下大家，佢個意粉係值我叫。我本身以為佢又係硬硬地冇咩汁果d意粉。點知意粉就show到餐廳功架，口感剛好，唔會煮過龍。個汁好掛麵，都好濃郁。沙律我就冇試，但如果意粉同薯條揀，我建議大家要試個意粉。
作為一個荃灣人，好多事會同朋友／長輩食飯。一班人如果食得太貴又肉痛，朋友都未必捨得，長輩又未必欣賞太姿整嘅餐廳。呢間大口喝，大件肉，餐飲唔一定係普通coffee or tea，我地今日兩杯都係青檸梳打，我差d叫埋雜果賓治，都唔駛另外加錢！呢間列入荃灣開心之選！
張貼
