叁茶陸飯

營業中

休息中

放工想食台灣野，呢間餐廳有台灣廚師，主打台式野，有我想食嘅牛肉麵，麵仲可以加錢轉刀削麵。叫左一個牛肉麵、一個孖寶（牛筋，牛𦟌）轉刀削麵，湯底一樣，但麵有大不同！雖然本身麵條都好食，但刀削麵身粗又滑好多。牛筋好大舊，比牛𦟌淋，淆到個湯底好濃好香，幾正宗。煎韭菜餅1客有4個，煎香軟糯，餡料仲爆汁。至於台式飲品黎講，價錢尚算可接受，一杯珍珠奶茶$27，好多黑糖珍珠，甜度適中，奶香滑。呢度甜品都幾多嘢揀，窩夫、糖水都有，今晚食咗個紅豆紫米糖水加芋圓，料多，都幾好食，$40算合理。