叁茶陸飯

營業中

休息中

假期又同男友去咗荃灣一帶食晏晝，行到中染大廈見餐廳入面有位，又突然想食台灣菜，所以就入黎坐低搵野食。睇餐牌都算多嘢食，假期有假日午市套餐，我又叫咗我最鍾意食嘅老壇酸菜魚，套餐加錢可以配刀削麵。刀削麵切得薄薄的，一碗仔份量原來都幾多，而酸菜魚更加係一大碗，入面有芽菜，腐皮、紹菜、芫荽辣椒等配料，魚片切得厚薄適中，肉質鮮嫩。湯底超正，麻辣味同酸菜味比較麻辣味較重，係我既至愛。男友就叫咗個鳳梨黑醋骨配肉燥飯，呢個餸竟然好有驚喜。賣相有啲似咕嚕肉，但味道更正，黑醋骨勁有咬口，口感超正，黑醋味大甜，一啲都唔酸，而鳳梨係用新鮮菠蘿🍍，我同男友都讚不絕口。套餐野飲只有紅茶同綠茶兩款，我哋叫咗一熱一凍南頭小濃紅茶☕️。

🐇復活節食番個台灣料理開心下🥳呢度充滿住台灣氛圍嘅餐廳🍴好開心呀😍🔥鹽酥炸物拼盤：呢個拼盤有晒我哋最鍾意嘅三寶✅烤完仲熱辣辣嘅台灣腸真係無得輸呀❤️鹽酥鷄個個香味同夜市味道一樣咁好食🤤炸地瓜條仲好甜好新鮮添💯🍱古早味滷水拼盤：估唔到滷水拼盤都唔大份👍最欣賞係佢個滷水豆腐👍豆腐索曬d汁好入味呀💯唔錯呢🥳🍜台式牛肉麵：呢個台式牛肉湯麵真係充滿台灣風味👍特別係個湯頭❤️蘿蔔朔晒啲湯汁✅湯頭甜甜地又係帶有微微酸酸辣辣💯好惹味呀🤤加埋爽口嘅牛肉同彈牙嘅麵條😍好推介呀🥳🍲台式肉燥飯：味道唔錯👅肉燥肥瘦適中✅碗飯入面仲有蔬菜同草菇添🥬🍧小確幸豆花：見到豆花已經超吸引🤩今次仲係叁茶陸飯 X 山海豆花mata tofu pudding🍯我都叫咗兩個口味🥳我自己就揀咗個養顏恩物嘅桃膠絹豆花💯呢個啱曬女仔食呀✅另一款就揀咗人氣伴手信綠豆花生酥嘅花生酥絹豆花🥳充滿往幸福嘅感覺❤️🍹開心果脆脆奶蓋茶：呢期開心果迷真係勁開心🥳呢度都有由台灣甜點師主理嘅茶飲✅佢哋用上等意大利軟芝士同日本開心果醬🍯奶蓋口感順滑綿密❤️加埋頂級茶葉🍀帶來獨特嘅味覺享受呀👍茶款有四款💯我哋試咗高山烏龍茶同四季春口味👍大滿足呢😌

夜晚基本上唔使等位，附近有泰國餐廳又有呢間，最尾揀咗呢間食。入面好光猛，坐得好舒服，服務員好親切，打開個餐牌大部份都係台灣菜，不過都有啲港式嘅嘢例如雞煲。本身想試佢個豆腐花，聽講係用日本方法去整，不過嗰日冇得食。最後決定嗌個雞煲同埋炒豬肉，豬肉佢係用腩片唔會太瘦，不過不失。然後食咗個半隻嘅麻辣雞煲，叫咗少少辣，個汁好惹味食完嗌咗番薯粉朔晒啲汁好邪惡，但係個雞肉唔夠滑，所以係靠個汁去補救，做會員有$40折扣，所以為返二百幾蚊

真是一次愉快的用餐體驗！這裡的菜式不僅道地，還能感受到主廚的用心。我點了京蔥爆牛肉，這道菜的牛肉鮮嫩多汁，搭配香脆的京蔥，炒得恰到好處，完美地釋放了牛肉的鮮美與蔥香。每一口都是享受，讓人忍不住想要再來一份。另一道讓我印象深刻的則是蔥油拌麵配滷蛋。麵條煮得彈牙，淋上香濃的蔥油，簡單卻又充滿風味。滷蛋的蛋黃滑嫩，滷汁的香氣滲透進每一口麵條中，讓整道菜更加豐富多彩。這樣的搭配，絕對能滿足任何台灣美食愛好者的味蕾。最後，我還點了他們的奶蓋四季春，這款飲品更是一絕！奶蓋的奶香濃厚, 與四季春茶的清香完美融合，口感滑順，讓人一口接一口，令人陶醉。總的來說，「叄茶陸飯」是一個將傳統與創新完美結合的地方，無論是菜色還是飲品都讓人心滿意足，非常推薦給喜愛台灣美食的朋友！

本人甚少評論，以下為個人真實評論，希望比到大家參考。這是一個超級差既體驗！我係外賣自取飲品，當時app一通知可以領取便前往，到達已過10分鐘，望住台面有2杯無label飲品，有一堆店員係度傾計、極懶散。問店員，佢睇都唔睇就話未得啊，店前當時無人光顧，等約5分鐘再問，依然話未得，於是去附近行住街行左15分鐘之後再回去，台面果2杯仲喺度，問店員之後佢入去一陣出嚟就話係台上2杯，無label，完全唔知係乜！問返店員，態度好差，一聲不響攞走2杯飲品喺後面唔知用乜撩左幾下，之後手寫個label貼上去，拍一聲放返台面比我。其後試過，味道好難飲，明明兩杯都叫正常糖，一杯甜到入唔到口，一杯淡而無味。味道上已經唔係我介意嘅地方，講真都試過好多餐廳口味唔係啱我口味，但個個人口味唔同，我都冇特別去作評論。但我最激氣係店員態度真係非常之差，唔知老闆知唔知佢既員工係咁呢。🤷🏻‍♀️整個體驗真係好差好差！以後唔會再光顧！

平日入去食晚飯，當時有方枱，職員偏要我們坐圓枱，仲話煩忙時間，當時接近8點，客人不多，起碼有成六張空枱都不能滿足顧客要求；食物方面，水準不穏定，牛肉麵湯底由藥材味轉成普通湯㡳，湯底很辣，要求職員換過，怎料再上來的是辣湯倒了，加清水再給客人，簡直離譜，我是常客，所以很清楚食物的質素如何，高峯期每個星期光顧一次，最近鬆餅成日都話無，無就唔好放係餐牌啦。上兩次埋單時，職員看見我有中染的八咪半咭，星期一至星期五不用加一，職員唔記得俾折扣我，之後void單，再一次唔記得免加一，自己做錯仲好似我錯咁，黑口黑面，到下一次我再光顧時，埋單的時候又係同一個職員，佢明顯認得我，又係黑白黑面，佢哋咁樣，我再俾機會佢哋啦，點知都係咁。

啲侍應服務態度勁差，臨近落場嘅時候不停比壓力客人趕佢哋走，到收工個下侍應直接惱羞黑晒面過嚟逐個逐個客趕，成個飲食體驗變得好差。想chill一定唔可以揀呢間，對唔起佢啲價錢🙂‍↕️😔

我有時去開愉城新城，ikea都來吃個中午飯的！我次次黎～都你食黑醋波蘿排骨飯～同埋個皮蛋肉鬆豆腐～仲有飲冇糖綠茶～chil返1小時左右！百元已而～佢仲要係即叫即做的～估不到咁靚咁酥脆～個汁好掂～波籮係新鮮的～仲有好多粒～大大大滿足！食哂連D汁都冇了！皮蛋豆腐又係好好的～係凍的～個醬好好味！因為太好吃～所以我冇試其他野～我食來食去就你呢个～呢个菜掂到飛起～下次再吃！如果不次約多幾個人～就試埋佢其他野先！

極度劣質食客體驗,過程如下：1）食物到達半小時後，侍應不停試探收碟，擺低碗麵撳兩下手機,碗麵食淨1/3就已經想收.要喝止及詢問職員，問”請問我現在是否需要5秒食完碗麵”,侍應先收手2）餐廳分了兩張單（因後加食物），但商場免費泊車要一張單過，叫餐廳收銀出合單，收銀話唔關佢事，係商場條款問題，叫我不如同商場職員理論.我話叫你出返一張單，關個商場乜事，收銀就黑口黑面，印咗另一張單俾我，好似我乞佢咁.其實睇到香港餐廳生意淡薄，很痛心，但呢d餐廳職員嘅處事態度亦助功不少，短短食個晏，都有如此劣質體驗，真係行過佢門口都想兜路

前排去完台灣旅行，都特別懷念台灣的味道，而今日放工係荃灣附近，就揀一間近地鐵站附近既台式餐廳。餐廳環境寬敞，座位間距適中，而特應都好熱情，整體用餐體驗都唔錯。今次叫左三道菜夜市冠軍三杯雞燴飯燴飯份量十足，雞肉鮮嫩，調味不錯，但稍微欠缺一點辣味，令外飯中的配菜洋蔥，紅椒等，亦很足夠，整體來說不錯。招牌排骨蛋炒飯同樣份量很充足，飯炒得乾身，亦帶有鍋氣，而豬扒亦勞得不錯，肉質都不錯豐盛鮮草凍鮮草凍係我最推薦的一道菜，配料同樣豐富同充足，而食完頭先既主食，呢碗鮮草凍的甜味就黎得非常好，非常令人深刻，令整餐畫上完美句號最後主食要打包少量拎走，所以份量真係好充足，價格亦實惠，都期待下次食餐廳入面既其他菜式。

行開荃灣探朋友，經過望到呢間餐廳好似幾多野揀，同朋友試一試。問題出現係個牛肉麵，講真咁硬嘅牛展唔應該拎出黎賣，一半食一半要掉左佢，差啲忍唔住想叫佢換過另一樣野，不過見其他野食都正常，所以無咁做，希望佢改善下。

今次食咗個午市套餐，個人比較鍾意間餐廳成set上，望落整整齊齊，又唔怕漏嘢。今次嗌咗兩個套餐，都配有兩小份既前菜，個青瓜酸酸甜甜，唔會太辣，都算入味。整體份量都充足，食完飽飽的🤭！🤍台式蚵仔肉碎泡飯個泡飯分開咗個湯同埋個飯，唔怕啲飯耐咗會發脹哂。個湯都好足料，有蚵仔、肉碎、冬菇同翠玉瓜，味道唔算太鹹，清清地。🤍香酥雞扒刀削麵個刀削麵都有好充足嘅配料，有蘿蔔同菜。而個雞扒都好香脆，都叫做鎖住到啲肉汁喺入邊，唔會太乾身，味道唔會太鹹，配埋個刀削麵啱啱好。最後仲嗌咗個招牌四季珍波椰，大半杯都係珍珠同椰果，口感煙靭，配埋個茶就唔怕太甜🤭

叁茶陸飯以其台灣風味的料理而受到食客的喜愛。今次我嚟到叁茶陸飯，叫左台灣肉燥乾拌麵、椒鹽豆腐、鳳梨黑醋骨配白飯，仲有香煎韭菜餅，價錢合理。🍜 台灣肉燥乾拌麵台灣肉燥乾拌麵是一道經典的台灣小吃，麵條彈牙，肉燥醬汁濃郁，讓人回味無窮。🍲 椒鹽豆腐椒鹽豆腐是一道簡單卻美味的素食選擇，外皮酥脆，內裡豆腐嫩滑，椒鹽味道恰到好處，口感絕佳。🍚 鳳梨黑醋骨配白飯黑醋的酸甜和鳳梨的清香相輝映，令肉質更加鮮嫩，搭配白飯一齊食。🥟 香煎韭菜餅香煎韭菜餅是一道台灣小吃，外皮酥脆，內裡韭菜香氣四溢，是下午茶的好選擇。

炎熱的天氣， 突然想食的酸酸辣辣的野去令自已涼解暑悶熱，也可以開開胃口。午餐放飯時間,就去左哩間餐廳食__ 老壇酸菜魚。這家店的酸菜魚做得很不錯,酸辣剛剛好,而且不會有魚骨,很好吃。爽脆魚肉雖然不太新鮮,但經過長時間的燉煮,已變得鮮嫩可口。入口即化,配上爽脆的酸菜,酸甜交織,醒神開胃。辣椒的微微辣意,恰到好處,一份套餐78元左右,實惠又充實,是個不錯的午餐選擇。不妨可以加點白飯,一起享受這道美味,充實一下今天的工作後半段。

價錢同食物份量唔成正比之餘，食物咸到要打包返屋企再加工！更不知所謂是服務，點餐紙俾人劃花又當我order，話俾你哋聽唔係我落嘅，個阿姐仲惡過我，又大聲！2蚊一個外賣紙盒話無入機要我俾現金，企定喺度要我俾錢，我話岀去埋單先俾得唔得？佢先肯行開！岀到去俾錢，另一個阿姐笑容欠奉，語氣又差，多謝更加唔會講，黑口黑面，無下次，黑名單！