影片
更多
2024-12-05
67 瀏覽
收工朋友過嚟搵我食飯拎嘢，我帶他去愉景新城牛奶冰室食晚飯，主要係因為唔想畀人催趕，可以慢慢食飯傾下偈。牛奶冰室夜晚餐牌都好多選擇，朋友啱啱喺外國返嚟，喺嗰邊好少食蒸魚，見到二人餐有蒸魚，一個小菜和兩個燉湯，所以我哋點咗呢個，餐桌上角落頭貼咗上湯娃娃菜18蚊嘅廣告，所以我哋點埋佢，小菜就可以唔使揀有蔬菜的菜式。雖然餐廳鼓勵我哋自助落單，但係放工好攰，所以都係搵咗個服務員幫手，佢係一個年青女孩子，態度好好，冇因為我哋叫佢落單，而表現不耐煩。落完單冇幾耐，店員為我們送上足料燉湯猴頭菇響螺燉雞湯，單叫都要25蚊，套餐跟埋好抵。燉湯size有兩碗飯碗，湯入面有雪梨，蟲草花，紅棗，猴頭菇，響螺，瘦肉，滋陰補腎，香味濃郁。上湯娃娃菜，娃娃菜上面，有炸蒜蓉，紅蘿蔔絲，野菌和杞子，如果剛剛冇飲過燉湯，會覺得娃娃菜上湯還可以，但剛剛飲完材料豐富嘅燉湯，呢個上湯冇可比性。蜜桃咕嚕肉，咕嚕肉色澤鮮豔，見到胃口大增，一入口外皮鬆化，肉質彈牙。最喜歡有罐頭蜜桃粒，燈籠椒同洋蔥做配菜，酸甜美味。 而且食極都有，份量十足。等咗十分鐘，清蒸金倉魚上場，魚上面有蔥花椒絲，灑上熟油，釋放魚嘅鮮味。金倉魚剛剛熟，魚肉鮮甜，配
牛奶冰室夜晚餐牌都好多選擇，朋友啱啱喺外國返嚟，喺嗰邊好少食蒸魚，見到二人餐有蒸魚，一個小菜和兩個燉湯，所以我哋點咗呢個，餐桌上角落頭貼咗上湯娃娃菜18蚊嘅廣告，所以我哋點埋佢，小菜就可以唔使揀有蔬菜的菜式。
雖然餐廳鼓勵我哋自助落單，但係放工好攰，所以都係搵咗個服務員幫手，佢係一個年青女孩子，態度好好，冇因為我哋叫佢落單，而表現不耐煩。
落完單冇幾耐，店員為我們送上足料燉湯猴頭菇響螺燉雞湯，單叫都要25蚊，套餐跟埋好抵。燉湯size有兩碗飯碗，湯入面有雪梨，蟲草花，紅棗，猴頭菇，響螺，瘦肉，滋陰補腎，香味濃郁。
上湯娃娃菜，娃娃菜上面，有炸蒜蓉，紅蘿蔔絲，野菌和杞子，如果剛剛冇飲過燉湯，會覺得娃娃菜上湯還可以，但剛剛飲完材料豐富嘅燉湯，呢個上湯冇可比性。
蜜桃咕嚕肉，咕嚕肉色澤鮮豔，見到胃口大增，一入口外皮鬆化，肉質彈牙。
最喜歡有罐頭蜜桃粒，燈籠椒同洋蔥做配菜，酸甜美味。 而且食極都有，份量十足。
等咗十分鐘，清蒸金倉魚上場，魚上面有蔥花椒絲，灑上熟油，釋放魚嘅鮮味。金倉魚剛剛熟，魚肉鮮甜，配上蒸魚甜豉油，送飯一流，食下食下，白飯見底。
晚餐兩個人加埋都係二百零蚊，坐得舒服，乾淨企理，又冇趕你走，食物質素又好，cp值高。
滿分為10分（一分最低，10分最高）
食物：9
環境：9
衛生：9
服務：9
價錢：9
舒適度：9
總分：9
張貼
