明記海鮮潮州菜館 (天保大廈)

營業中

休息中

幾個朋友想食潮州菜，諗起屋企附近有間打冷店，於是就去咗呢度食晚飯。一坐低就先嚟前菜，有魚干仔及鹹酸菜。呢晚叫咗以下幾款菜式: 孖寶C餐蒜蓉粉絲蒸元貝 - 元貝肉質鮮味，蒜蓉帶出整體香味，粉絲索晒所有精華，呢個組合係絕配。金牌滷水鵝 - 滷水鵝滷得入味，鵝肉食落唔嚡有油香，很餸飯。豉汁蒸大鱔 - 鱔肉新鮮爽彈，用上豉汁蒸更惹味。黃金九肚魚 - 九肚魚炸得香脆可口，微辣口味令人忍唔住食完一件又一件。招牌炒米粉 - 炒米粉有蠔仔、蛋絲、肉碎、芽菜及芹菜，份量很大，食完好滿足。呢餐大家吹水吹咗成晚，食到捧住個肚走人，大滿足。