海港灣海鮮點心小廚

營業中

休息中

佐敦新開嘅茶餐廳，都幾大間，仲好旺場喎🥳平日下晝都坐滿晒人～依間茶餐廳有點心食，仲要係好有創意嘅新派點心👍🏼👍🏼👍🏼叫咗籠「蝶豆花鮮蝦餃王 」真係認真勁👍🏼蝦餃皮滲透出碟豆花嘅微微紫藍～上面仲手畫了少許金色線條😱估唔到茶餐廳嘅點心會咁有心思💗「黑松露鵪鶉蛋燒賣」都唔錯～燒賣極圓勁大粒，原來入面用蝦膠包著原隻鵪鶉蛋。估佢唔到，仲有「竹炭杏汁飽」😱黑色大飽～竹炭味唔算好出，但係入面係甜嘅杏仁醬汁餡～第1次食杏汁飽～仲要黑色飽配奶白色餡💗成件事又幾match 喎👍🏼點心師傅推介新品～「餃子」（唔記得咩名堂🤪），喺每隻肉餃🥟上面有塊三角型脆網，個賣相好有驚喜👍🏼就像為煎肉餃子大變身，加添了脆脆口感。然後試咗「賽螃蟹肉炸春卷」同咗「鮮蝦腐皮卷」，同樣餡料都好多。食到好飽都要試吓凍嘅「有機栗子焦糖蛋 」，面層焦糖唔算多，👍🏼但係燉蛋好滑💗唔太甜啱晒我～食到落底仲有幾粒幾大粒嘅栗子碎，正喎！去嘅時候係下午茶時間，除咗中式點心，🥳 炒粉麵飯午餐丶西式下午茶餐當然唔少得～見好多人都食「蜜糖黑椒雞髀」，黑椒味好香好惹味～也有韓式肥牛煎蛋辛辣麵🤤勁呀！仲居然有「竹炭菠蘿油 」，將茶餐廳美食新派化👍🏼 搞搞新