影片
更多
2020-10-21
549 瀏覽
喺佐敦做完嘢覺得肚餓，行吓行吓行到去南京街，可能時間比較晏嘅關係，有部分餐廳都落咗場，見到朗逸酒店嘅餐廳就行咗上去。上到餐廳感覺光鮮整齊，門口又放咗酒精搓手液同埋信封，可以方便食客放口罩。由於時間晏嘅原故，所以職員都好快安排座位比我。午餐有6款，而我就揀咗雜扒，咩都有唔使諗。點完餐後就上咗個餐湯，坦白講，個湯只見到洋蔥，所以應該係洋蔥湯，不如飲落去竟然有驚喜，好似我喺日本飲嘅洋蔥湯味道，由於太耐無旅行，所以當自己去咗日本飲日式洋蔥湯。到碟扒嚟到，又估佢唔到咁大碟咁多款，豬牛雞都有齊哂，最鍾諗係個薯菜係用薯餅而唔係薯條，明明戒緊澱粉質都忍唔住食咗舊。埋單都只係$80仲要唔使加一，最開心見到有醫護/長者價，如果下次再去佐敦做嘢都一定會再嚟！
上到餐廳感覺光鮮整齊，門口又放咗酒精搓手液同埋信封，可以方便食客放口罩。
由於時間晏嘅原故，所以職員都好快安排座位比我。
午餐有6款，而我就揀咗雜扒，咩都有唔使諗。
點完餐後就上咗個餐湯，坦白講，個湯只見到洋蔥，所以應該係洋蔥湯，不如飲落去竟然有驚喜，好似我喺日本飲嘅洋蔥湯味道，由於太耐無旅行，所以當自己去咗日本飲日式洋蔥湯。
到碟扒嚟到，又估佢唔到咁大碟咁多款，豬牛雞都有齊哂，最鍾諗係個薯菜係用薯餅而唔係薯條，明明戒緊澱粉質都忍唔住食咗舊。
埋單都只係$80仲要唔使加一，最開心見到有醫護/長者價，如果下次再去佐敦做嘢都一定會再嚟！
張貼
