民華餐廳

營業中

休息中

茶記係香港人飲食嘅一個重要部分，一碗牛通加烘多士加炒蛋不知令幾多個心靈同肚腩得到溫飽。我細個唔鐘意茶記通粉，總覺得個湯淡而無味同成碗通粉一樣無味道，但又大大碗，食唔曬又俾亞媽話⋯⋯今日去到旺角食特餐，佢標榜自己個蕃茄湯非常濃郁同埋個炒滑蛋一齊食更加相得益彰，咁就當然要叫佢啦！鮮蕃茄牛肉湯，番茄湯底又真係幾濃，仲有幾件蕃茄起裏面，牛肉片都算幾嫩件多士好厚身烘焗完外脆內軟，加上邪惡嘅午餐肉同炒滑蛋，直係冇得輸。好耐冇飲過熱杏霜，佢似乎用幾足料。