新記冰室 (已結業)

呢間茶記位置極方便。咁耐都無留意原來朗豪坊隔離就有間又平又好食嘅冰室。💛嚟到一定要食招牌菜 芝士撈公仔麵，超濃嘅芝士汁佈滿成碗麵！芝士汁豬頸肉煎蛋撈公仔麵 $56豬頸肉嘅表面微微燒焦，肉嘅份量極多！精粹係面頭隻流心荷包蛋，蛋白煎到金黃，蛋黃汁流落去同芝士汁撈均同麵食。我另外加咗小食，炸雞翼 （5隻）$36，味道不過不失，勝在份量多，好夠飽。紅豆冰 +$12近排天氣咁熱想飲返啲凍野，比起台式飲品，我更鍾意飲返啲地道野飲～紅豆冰嘅奶味香濃，紅豆綿密夠淋。除咗普通紅豆冰，仲可以揀奶茶紅豆冰。除咗招牌芝士麵之外，呢度竟然仲有all day breakfast！價錢只係$65，係平時cafe嘅半價，超抵。上網睇圖發現港式all day breakfast 都好正好足料😂 可惜今次自己嚟食唔到咁多野，下次可以同朋友嚟share。