文興酒家 (曾昭灝大廈)

營業中

休息中

近年要喺香港搵到好食嘅中菜，真係越嚟越難，今次就難得搵到呢間喺英國China Town好出名嘅文興酒家。 去到門口已經feel到好有懷舊嘅風味，菜式方面亦都非常傳統。 我哋叫左出名嘅燒味拼盤（文興叉燒王拼泰國櫻桃鴨），份量唔算多，但係肉質鮮嫩味道非常出色。 每位仲有一個燉湯，係猴頭菇螺頭燉雞肉，足料入味。 小菜就推薦芥末脆蝦球，睇外表已經知道蝦球炸到好香脆，配上芥末係惹味之選。 最後不得不提最出色嘅文興招牌炒飯，入面有花膠、蝦乾、魷魚、鮑魚同櫻花蝦。炒得好有鑊氣，加埋櫻花蝦同蝦乾嘅甘香令人回味無窮。 食完鹹點當然有甜點啦，甜品係椰汁千層糕，椰汁味濃郁之餘甜度適中，就算老人家食都唔使驚。 總括嚟講呢一餐令我哋大家都非常回味，絕對值得encore！