影片
更多
2022-07-03
156 瀏覽
經過九龍城獅子石道，發現呢間叫Chaplin、門面充滿英倫色彩嘅西餐廳，喺舊樓林立嘅街道，顯得格外顯眼！駐足門前望下餐牌，上網撳兩撳，發現口碑唔錯，仲係五星級酒店前大廚主理餐廳，入得！入到餐廳，店內裝修徹頭徹尾英倫風，從英倫復古風皮革梳化、英式羅馬數字掛鐘都可見一斑！開放式水吧、壁櫃上放滿空酒樽，感覺抒壓輕鬆！加上店內播放柔和音樂，成個空間好舒服，與工作天中急促嘅生活形成好大對比！下午四點幾嘅時間有啲尷尬，中午食完嘅lunch都未消化，但係又想同朋友坐低食少少嘢，傾吓計，於是就被呢個的的骰骰嘅下午茶tea set $285吸引咗！➺煙三文魚紅菜頭多士➺蟹肉炒蛋配煙燻希靈魚子醬.竹炭多士➺迷你雜莓可麗露➺合桃朱古力布朗尼➺提子乾及原味鬆餅出邊一般嘅afternoon tea鹹甜點加埋超過10件，有啲質素嘅索價超過$500！價錢貴之餘，有時太膩，未必食得晒！Chaplin主理人明白大眾心理，呢個迷你版afternoontea set正適合食完飯之後口痕嘅時候食，唔會太多，有質素，相應價錢調低一半！5件點心我全部都咁鍾意，外貌精緻、有點綴、有detail位，一啲都唔馬虎！食落更係有驚喜，食材
入到餐廳，店內裝修徹頭徹尾英倫風，從英倫復古風皮革梳化、英式羅馬數字掛鐘都可見一斑！開放式水吧、壁櫃上放滿空酒樽，感覺抒壓輕鬆！加上店內播放柔和音樂，成個空間好舒服，與工作天中急促嘅生活形成好大對比！
下午四點幾嘅時間有啲尷尬，中午食完嘅lunch都未消化，但係又想同朋友坐低食少少嘢，傾吓計，於是就被呢個的的骰骰嘅下午茶tea set $285吸引咗！
➺煙三文魚紅菜頭多士
➺蟹肉炒蛋配煙燻希靈魚子醬.竹炭多士
➺迷你雜莓可麗露
➺合桃朱古力布朗尼
➺提子乾及原味鬆餅
出邊一般嘅afternoon tea鹹甜點加埋超過10件，
有啲質素嘅索價超過$500！價錢貴之餘，有時太膩，未必食得晒！
Chaplin主理人明白大眾心理，呢個迷你版afternoontea set正適合食完飯之後口痕嘅時候食，唔會太多，有質素，相應價錢調低一半！
5件點心我全部都咁鍾意，外貌精緻、有點綴、有detail位，一啲都唔馬虎！食落更係有驚喜，食材新鮮、三文魚好嫩滑，食物有口感、兩件多士都配搭唔同質感食材、可麗露外皮煙靭、鬆餅熱熱外脆內暖，味道恰如其分、甜點都唔會太甜！真係有五星級酒店出品嘅味道！
原本tea set包五款茶可選，
但係呢度咁chill，就叫咗杯Mojito$90
酒味不重，好清新，啱晒女仔飲！
朋友就點咗杯Iced chocolate$22.5
外貌好靚，朱古力同奶漸層相隔，上面仲灑埋可可粉點綴！味道又唔太甜！讚！
大概6點左右，店員就將餐廳嘅燈調暗，播放嘅歌曲更加有情調，好正！順帶一提，食物上枱快、會適時加水，店員多是年輕女侍應，講嘢有禮貌，仲問你食物好唔好食添！回頭率100！下次想過嚟試吓午餐或者晚餐！
***加一服務收費
張貼
