ASAP As Simple As Possible

營業中

休息中

今日係公司超忙碌地工作，諗起唔知幾點先收得工。最後決定對自己好啲。叫個豐富啲嘅晚餐。同事提議不如叫ASAP,自己又未試過。咁就試吓啦。佢餐牌嘅種類唔算10分多。大概分咗漢堡包意粉同飯既然一路做嘢一路食嘅， 咁就叫個方便啲可以一路拎住黎食一路可以做嘢嘅食物。最後叫咗安格斯牛肉芝士蘑菇漢堡。跟餐有薯條，另外亦都可以點配沙律/粟米湯/黑松露忌廉野菌湯。我最後點左沙律。飲品方面，我點左凍即磨炭燒咖啡。等咗大約30分鐘到就送到。先講漢堡包，牛肉味唔算濃，芝士份量都唔算太多。但係成個包嘅配料都非常豐富。薯條味道正常， 但份量就比較少。沙律配埋個醋嚟食，勁開胃。而我自己最滿意嘅就係杯咖啡，咖啡味超濃，而且佢有糖水另上。而我自己就唔太好甜嘅，所以分開糖水上呢個舉動十分之貼心。整體來講成個餐都OK嘅。下次有機會會試埋佢嘅意粉或者飯。