就是偏偏喜歡你 (已搬遷) 新店位置

好耐之前同朋友慶祝生日已經嚟過一次，今日朋友叫我一齊上嚟，因為佢係一個姜糖，今個月係姜濤生日，所以呢度佈置充滿姜濤，呢度環境佈置得很靚，充滿花花，好有少女心。小熊粒粒草莓牛奶成杯係粉紅色好靚，小熊10分可愛，味道甜甜酸酸幾開胃。卡邦尼煙肉意粉卡邦尼醬汁濃郁，意粉煮得軟硬適中，煙肉味道鹹鹹香香，另外可以選擇加大意粉。照燒雞扒菠蘿漢堡雞扒味道香甜，燒到外面焦香，肉質嫩滑。菠蘿味道酸酸甜甜加埋雞扒一齊食10分惹味可口。