影片
更多
2021-08-23
64 瀏覽
平時打邊爐食嚟食去都係果啲嘢，朋友就介紹咗一間好多唔同配料嘅火鍋餐廳，而且好多係自家製，位置仲好方便添就係尖沙咀，於是乎四個人收工就走上去試吓。芫荽海鮮火鍋， $219芫荽控要留意啦，一定要試呢個海鮮火鍋，入面嘅海鮮都幾豐富，有蝦、蟹、蜆同埋生蠔。最正係生蠔，又大隻又多汁😍真係幾足料吓。頂級新鮮本地手切肥牛， $269潮牛，$369打邊爐點可以冇肥牛啊，所以我哋就叫咗兩碟牛嚟試吓，最正係有得揀唔同部位，我哋就揀咗匙皮、爪邊、牛頸脊及頸心。匙皮脂肪含量較多，切得比較簿細，所以比較冧，唔錯。爪邊牛味重，有咬口，鍾意牛味可以揀呢款。至於最後一款都係偏向重牛味，切得簿少少都好有嚼勁。重點推介，鹹蛋炸魚皮，$129貴係貴咗啲，不過我哋都忍唔到encore 咗一份，因為。。。太好味啦。佢炸得一啲都唔油，蛋黃味勁重，又咸又香又脆，勁正。四個人食兩份真係唔過分😍重點推介2，自家製蟹皇包， $108呢個係幾個人都覺得好味嘅，佢個樣真係好似小籠包咁，之後成個放入個爐度煮大概10分鐘，就可以食啦。入面好足料，好多蟹肉，蟹皇，好正呀🥰重點推介3，流沙鳳尾蝦，$119呢個都好得意，應該係用蝦滑包住隻蝦，入面有蛋
芫荽海鮮火鍋， $219
芫荽控要留意啦，一定要試呢個海鮮火鍋，入面嘅海鮮都幾豐富，有蝦、蟹、蜆同埋生蠔。最正係生蠔，又大隻又多汁😍真係幾足料吓。
頂級新鮮本地手切肥牛， $269
潮牛，$369
打邊爐點可以冇肥牛啊，所以我哋就叫咗兩碟牛嚟試吓，最正係有得揀唔同部位，我哋就揀咗匙皮、爪邊、牛頸脊及頸心。匙皮脂肪含量較多，切得比較簿細，所以比較冧，唔錯。爪邊牛味重，有咬口，鍾意牛味可以揀呢款。至於最後一款都係偏向重牛味，切得簿少少都好有嚼勁。
重點推介，鹹蛋炸魚皮，$129
貴係貴咗啲，不過我哋都忍唔到encore 咗一份，因為。。。太好味啦。佢炸得一啲都唔油，蛋黃味勁重，又咸又香又脆，勁正。四個人食兩份真係唔過分😍
重點推介2，自家製蟹皇包， $108
呢個係幾個人都覺得好味嘅，佢個樣真係好似小籠包咁，之後成個放入個爐度煮大概10分鐘，就可以食啦。入面好足料，好多蟹肉，蟹皇，好正呀🥰
重點推介3，流沙鳳尾蝦，$119
呢個都好得意，應該係用蝦滑包住隻蝦，入面有蛋黃流沙，上面仲有啲蟹子，煮完之後漲卜卜，好得意，食嘅時候要小心食呀🤣
重點推介4，椒鹽粟米，$59
椒鹽粟米試過未？真係又特別又好味，椒鹽嘅咸加埋粟米嘅甜，真係好好味㗎😊
芫荽墨魚滑，$89
呢個芫荽味都幾重吓，墨魚滑好彈牙，鍾意芫荽嘅朋友要試吓啦。
芫荽蝦餃，$89
呢個蝦餃都幾多蝦，又係好彈牙，不過芫荽味冇墨魚滑咁重。
自家製墨魚腐，$99
呢個好感好特別，同一般魚腐有啲唔同，咬落又有啲似蛋，好難形容，大家要自己試咗先知。
另外仲叫咗即炸響鈴同蔬菜拼盤，份量都幾足。差啲唔記得介紹兩款嘢飲，都好好飲，唔會好甜，好啱打邊爐，一款係紫貝天葵，一款係冬瓜薏米水，都係39就有一gar，人多一定要叫😊食得勁飽嘅一餐，想像唔到4個人竟然食得晒咁多嘢，而家食仲有85折，希望keep住有優惠啦。
張貼
