Cafe Addict

營業中

休息中

今日特登去佐敦買啲嘢，順便約朋友去附近行吓街，行到有啲攰諗住喺附近搵啲嘢食下，即刻上OpenRice搜尋一下，無意中見到附近有間西餐廳都幾吸引，所以即刻去試吓。Cafe Addict 地址喺佐敦彌敦道221號地舖。餐廳裝修得好整潔，好有格調，最適合就係坐低傾吓計食啲嘢。芝麻薄炸雞翼 $58元，雞翼炸到金黃色，整隻雞全翼望落去都好香脆，雞皮上面加咗少少芝麻，增添口感同味道層次，入口味道好香好鬆脆，雞翼入邊仲保留到肉汁咬落去仲係好Juice，雞肉肉質仲係好嫩滑，做得非常好，相信廚師有一定嘅水準鮮茄醬虎蝦球蝴蝶粉 $108元，第一次食蝴蝶粉，望落去真係好特別，入口口感比一般意大利粉同通粉更加爽口，好鍾意呢個口感好好食。虎蝦嘅size都好大隻，煎到外面好香脆，但係肉質仲係好爽口彈牙，香味濃郁，蝴蝶粉吸收左蝦嘅鮮味，蕃茄嘅香甜味，再配埋少少香料味道，味道層次非常豐富。呢個蝴蝶粉真係必食嘅推介，絕對係有驚喜。最後點左杯咖啡，咖啡味道都幾香濃，入口好幼滑，啱我口味。