影片
更多
2019-12-02
341 瀏覽
今日幫襯o左一間恬靜o既小店。呢間中式餃子麵檔以手作餃子招徠，口號係「想餃就餃」，語帶雙關，帶點玩點性質。一般餃子都係菜呀、豬肉呀呢類o架o者，但見佢門口sell 緊流心芝士口味甚至流沙咸蛋，等我一於試下佢究竟好無食先~先叫個正常o既先，叫o左碗芫茜鮮肉湯餃湯麵($38)。本身我都幾好芫茜，如果去d 食粥、腸粉o個d 鋪頭都會叫佢加多d，有時要另外加錢添。佢呢個湯麵有5 粒湯餃，ok 飽滿，釀入o左幾多芫茜，十分之香，整體味道係唔錯o既~麵底有多個選擇，包括唔常見o既菠菜麵、銀針粉甚至讚岐烏冬，全部一樣錢。菠菜麵其實都想試下，不過因為個麵主要係朋友食，咁就佢揀番叫乜，佢寫o左個刀削麵。麵條偏薄而長身，浸淫o係豬骨湯之中，湯呈奶白o既顏色。一心入o黎試特色水餃o既我，點o左一客芝士粟米拼芫茜煎餃($42)，屬於雙拼，可以一次過試到多d 款式嘛。首先如果單叫一碟餃子(即係唔係湯麵)，佢會附送一碗是日靚湯。店鋪當眼位置寫住今日o既湯係野生山珍雞湯，飲落帶點中藥補品o既味道，唔識得exactly 形容，有少少似我老母煲俾我飲d 抗敏感湯水o既味道，實好滋潤。煎餃呢擺落口即刻能夠感受到佢股鑊氣，
先叫個正常o既先，叫o左碗芫茜鮮肉湯餃湯麵($38)。本身我都幾好芫茜，如果去d 食粥、腸粉o個d 鋪頭都會叫佢加多d，有時要另外加錢添。佢呢個湯麵有5 粒湯餃，ok 飽滿，釀入o左幾多芫茜，十分之香，整體味道係唔錯o既~
芫茜鮮肉湯餃湯麵 ($38)
6 瀏覽
0 讚好
0 留言
麵底有多個選擇，包括唔常見o既菠菜麵、銀針粉甚至讚岐烏冬，全部一樣錢。菠菜麵其實都想試下，不過因為個麵主要係朋友食，咁就佢揀番叫乜，佢寫o左個刀削麵。麵條偏薄而長身，浸淫o係豬骨湯之中，湯呈奶白o既顏色。
一心入o黎試特色水餃o既我，點o左一客芝士粟米拼芫茜煎餃($42)，屬於雙拼，可以一次過試到多d 款式嘛。首先如果單叫一碟餃子(即係唔係湯麵)，佢會附送一碗是日靚湯。店鋪當眼位置寫住今日o既湯係野生山珍雞湯，飲落帶點中藥補品o既味道，唔識得exactly 形容，有少少似我老母煲俾我飲d 抗敏感湯水o既味道，實好滋潤。
野生山珍雞湯
3 瀏覽
0 讚好
0 留言
煎餃呢擺落口即刻能夠感受到佢股鑊氣，少少燶幾香口。芫茜煎餃同頭先d 湯餃差唔多，但呢個芝士則係重點，係幾軟滑，奶滑香濃，入口即溶(跟住就係少少黐牙……)。同埋佢本身都有豬肉o既，唔係淨係得芝士同粟米。因為我想雙拼所以無叫到，其實佢另外仲有一款加強版，有三重芝士，實更加正！
芝士粟米拼芫茜煎餃
11 瀏覽
0 讚好
0 留言
小食嗌o左一個農家豬手($28)，出面食呢個份量應該唔只$28，感覺幾抵叫。佢亦都唔同出面食類似花生雞腳o個隻汁去醃，呢度會比較清淡一d。最後飲品寫o左一杯蜂蜜柚子茶($8)，見佢有隻特色日本咖啡，爭$2 o者，不過今朝飲過咖啡了，唯有下次~
農家豬手 ($28)
17 瀏覽
0 讚好
0 留言
張貼
