土司工坊 (青衣城1)

營業中

休息中

芝士雞扒撈麵$64賣相都幾靚睇落去好鮮色。呢度嘅撈麵醬好搞笑，唔似平時出邊啲豉油撈麵或者印尼撈麵。佢啲撈麵醬甜甜地，可能係加咗甜豉油。不過加埋芝士醬之後食落去就怪怪地，又咸又甜咁樣。不過如果芝士醬再加雞扒食嘅話就幾好味。因為可能雞扒炸得比較耐，有一啲乾，所以加咗醬之後食落去舒服啲。呢度啲面比較硬或者可能係叫做爽口。但係都有一樣好就係佢撈好咗啲醬先會俾啲面俾你，食落去每一條面都掂到啲醬。呢度幾好，個餐都會送兩條菜俾你。食落去冇咁油膩，又健康啲。啲餸同埋面中間加咗啲炸蒜頭，令到成個餐好有東南亞風。好立克（+$4）好立克沖得唔馬虎，啲粉冇沉晒喺底。杯野嘅size都幾大，起碼大過平時啲250 mL嘅紙包嘢飲。不過可能因為幾大杯所以飲落去有啲淡。