維港灣餃子坊

營業中

休息中

之前都有食過佢芝士粟米餃，又係驚為天人，一直念念不忘。 今次貴貴地都想試佢個三重芝士餃。見到餐牌好吸引，黎到嘅時候都覺得正呀。佢入面都係有粟米，面頭有熱溶嘅芝士同埋頗多蟹子，熱辣辣食，入面嘅芝士都係仲融梗。 芝士控必食！ 仲要有多碗老火湯飲。仲叫左個豬手銀針粉，本身佢黎到果時見個豬手好似白烚咁，不太抱期望，點知食落好惹味，加埋啲炸蒜，食食下食曬成碗！仲要店員好細心，特登俾隻碟放骨。仲有兩粒豆卜。呢個38蚊咋超抵食。 我覺得豬手面好味過其他餃子！哈哈 因為友人叫左五款餃嘅餐，但有芫茜、香芹同埋韮菜我都係唔食嘅🙈 （當然芝士粟米餃都係勁正）不過客觀地講，佢啲餃子粒粒都大大粒，同埋煎餃一定好味過湯餃。 下面係友人叫果個餐。咖哩另上，友人話都幾辣。 因啲野食好有味，冇用過啲調味料。