影片
更多
2013-12-29
6389 瀏覽
朋友生日知佢愛好火鍋，所以特別選擇和預訂西方火鍋 - 瑞士芝士火鍋，希望俾倒驚喜佢啦。 其實我之前去連鎖意粉店試過一次芝士火鍋，不過印象就麻麻地因為嗰吹個芝士鍋汁味道唔夠濃而且好快結埋一舊舊，失望！ 八點準時到達，餐廳已經差不多滿座，好彩一早訂咗位啫。 朋友和我對餐廳陣設都非常欣賞，由於裝飾和枱櫈都充滿瑞士傳統家庭嘅色彩，這令我哋倆想起起幾年前去瑞士遊玩時曾到過一朋友家作客時嘅愉快回憶。 當時因為時間緊迫無緣於當地試地道芝士火鍋， 今次正好讓我倆一同於生日慶祝時品嚐。點餐後店員送上店自家製牛油和棒上一藍麵包俾我哋揀，牛油除咗有吸引嘅造型仲好香滑，我哋唔客氣一次要咗3款麵包添。 冷盤要咗一款沙律，由於太普通所以連叫咗邊款都唔記得，睇相至醒起叫咗。接住嚟喺在場差不多每枱都有叫嘅烘芝士，果然好好味個面烘得脆脆而芝士夠咸香， 要趁熱食啊。 喺店員介紹下我哋叫咗忌廉豬肉煎薯餅， 確實值得一試個忌廉汁同豬肉好夾而薯餅煎到脆卜卜，份量唔細。火鍋由朋友點， 揀咗有酒精嘅芝士汁配雞肉， 鍋同爐具都好正宗而芝士汁好濃滑唔覺過強嘅酒精味，雞肉已預先烤熟和調味，個面仲有好靚嘅焦黃色， 仲有一碟蔬菜和一小兜麵包
八點準時到達，餐廳已經差不多滿座，好彩一早訂咗位啫。 朋友和我對餐廳陣設都非常欣賞，由於裝飾和枱櫈都充滿瑞士傳統家庭嘅色彩，這令我哋倆想起起幾年前去瑞士遊玩時曾到過一朋友家作客時嘅愉快回憶。 當時因為時間緊迫無緣於當地試地道芝士火鍋， 今次正好讓我倆一同於生日慶祝時品嚐。
點餐後店員送上店自家製牛油和棒上一藍麵包俾我哋揀，牛油除咗有吸引嘅造型仲好香滑，我哋唔客氣一次要咗3款麵包添。 冷盤要咗一款沙律，由於太普通所以連叫咗邊款都唔記得，睇相至醒起叫咗。
接住嚟喺在場差不多每枱都有叫嘅烘芝士，果然好好味個面烘得脆脆而芝士夠咸香， 要趁熱食啊。 喺店員介紹下我哋叫咗忌廉豬肉煎薯餅， 確實值得一試個忌廉汁同豬肉好夾而薯餅煎到脆卜卜，份量唔細。火鍋由朋友點， 揀咗有酒精嘅芝士汁配雞肉， 鍋同爐具都好正宗而芝士汁好濃滑唔覺過強嘅酒精味，雞肉已預先烤熟和調味，個面仲有好靚嘅焦黃色， 仲有一碟蔬菜和一小兜麵包粒，好balance喎。 用小叉吉住D食物再放落微滾起嘅芝士汁裡面，汁剛掛上食物表面唔會過多， 味道一流！ 我俩忍唔住一口接一口不停食！
其實嚟到呢一刻我倆都好full又好滿足，不過無咗甜品又點算完美一餐呢？！ 蘋果批雪糕賣相十分精美，酥皮夠薄夠脆唔漏，蘋果酸酸甜甜配埋雲呢拿雪糕一熱一冷，兩種滋味！
朋友對西式火鍋呢個安排都好滿意， 大家都好enjoy 豐富美食，還提意遲D約多D朋友再嚟過。
題外話/補充資料：
調道有D偏重
(以上食評乃用戶個人意見 , 並不代表OpenRice之觀點。)
張貼
