茶痴 (文咸東街)

營業中

休息中

六月過後，飲台式飲品前必定做足功課，今次幫襯嘅黃店喺上環文咸東街，遊行期間有免費派飲品，亦有捐錢，值得懲罰。雖然佢開業未夠一年，午飯時間成日人頭湧湧，相信質素唔錯。由於小店人手有限，記得預早15分鐘叫定。.綿芝白桃烏龍:奶蓋唔係用粉沖嘅，果然濃厚杰身，有鹹香嘅芝士味，而且佢唔會飲兩飲就同茶底溝埋一齊，果然有用心研製，白桃味清香唔死甜，同淡淡嘅烏龍茶好夾，走甜都夠味，不愧係人氣no.1飲品。.綿芝綠醇+桃膠粒粒:疫症期間無交換試，朋友對奶蓋同茶底都滿意，桃膠粒粒份量充足，略嫌較細碎無乜咬口。