影片
營業時間
今日營業
11:00 - 19:30
星期一至五
11:00 - 19:30
星期六至日
11:00 - 19:00
以上資料只供參考, 請與餐廳確認詳情
相關文章
呢間手搖店有點隱蔽，絕對係隱世小店😆雖然只係小小既店舖，但有不少打卡位及每個角落總有心思既佈置，店內風格配上淺木色調為主，小清新風格不言而喻😌 門外仲有茶痴標誌既霓虹燈，能喝上一杯喜愛🤩既手搖飲品就係咁Chill🥰熱）台灣烤地瓜芋頭鮮奶烏龍茶🧋呢款季節限定「雲石鮮奶茶系列」，利用手工台灣蜜芋頭，每啖飲到好稔滑，芋泥口感好綿密，鮮奶好滑，烏龍味道回甘，茶底味濃郁，加上淡淡香滑紫薯味，暖烘烘之如又飲到不同味道🥰熱）粒粒桂花檸檬蜜🍋🥤每啖飲到桂花香氣及檸檬🍋酸酸甜甜既味道😚從杯身已經見到滿滿既桂花粒及檸檬🍋片，一飲已經覺得清新爽口，讓人提神醒腦既感覺😙清新解渴之選😋茶痴主打清甜水果茶配軟綿芝士/乳酪奶蓋，且港島、九龍都各有分店，文青風格絕對岩哂鍾意打卡既朋友仔🥰
繼續閱讀
感恩呢個世上有“茶痴”❣️🥰茶痴係其中一間我好鐘意既飲品店。佢勝在款式好多！想提神有奶茶/咖啡選擇，想健康有益有水果飲品選擇，佢既奶蓋亦係世一！！仲有，佢不斷會有新品更新，包保每次黎買野飲都唔會悶。預左夜晚要趕工，要飲杯奶茶充充電。佢有個新新地既"雲石鮮奶茶系列"，有台灣烤地瓜同台灣純淨黑芝麻選擇，揀左黑芝麻呢款。原來入面仲有蜜芋頭！奶茶底好清香，成杯野飲感覺豐富。因為佢入面有蜜芋頭，所以仲幾飽肚添❣️
繼續閱讀
呢次試咗兩款茶飲，分別係「手工焦糖奶蓋黑糖仙草條條奶茶」同「綿芝白桃烏龍」，兩杯都各有特色，值得一試！「手工焦糖奶蓋黑糖仙草條條奶茶」主打豐富嘅口感，同細緻嘅味道層次。焦糖奶蓋鹹甜適中，帶有輕微焦香味，飲落去柔滑得嚟唔會膩口。黑糖嘅甜度啱啱好，配埋滑溜嘅仙草條條，加埋奶茶嘅香濃，整體口感豐富又飽滿，飲完真係非常有滿足感，推薦畀鍾意重口感嘅朋友。至於「綿芝白桃烏龍」，走一個清新果香嘅路線。白桃嘅香氣自然甜美，完全唔假，配合茶底嘅烏龍微澀，令味道更加平衡、有層次。綿芝嘅口感柔軟滑溜，為呢杯茶增添咗豐富感，但整體飲落去都係以輕盈清爽為主，啱曬鐘意清香果味嘅朋友。總括嚟講，兩杯都好有特色，睇你鐘意豐富甜香，定係清新果香，都唔會失望！
繼續閱讀
☔️今日天氣凍凍地🧣最好就係飲返一杯熱辣辣嘅茶咯☕️呢個係我今日嘅開心嘅選擇🤗🧋台灣手炒芝麻蜜芋頭鮮奶烏龍茶：平時都喜歡芝麻嘅香味❤️呢杯將炒左嘅黑芝麻磨到粉狀再加埋蜜芋頭🍠入口就係好香好有質感✅係天然嘅味道👅配埋金鳯烏龍茶嘅炭焙香氣🔥又香又滑😍啱曬咗今日天氣涼涼地飲呀💯🥤金萱烏龍：食完飯嘆番杯金萱烏龍就最啱不過喇✅金萱烏龍入口有奶香同桂花嘅味道👅所以我覺得口感特別甘醇濃厚呢❤️
繼續閱讀
見到Chicha 茶痴又出新嘢！台灣手工仙草條 - 手工焦糖奶蓋黑糖仙草條條奶茶！作為奶蓋控嘅我一定要去嗌返杯啦～第一啖當然先飲啖奶蓋，口感正常發揮地綿滑，鹹鹹哋嘅奶蓋較不容易膩。話明係仙草條條，同一般一嚿嚿那種不一樣，條條仙草飲落滑捋捋，入口食到仙草有爽口感之餘，比一般大嚿仙草更正係可以同時吸到更多奶茶，不會出現仙草卡住飲管嘅問題。因為不是螞蟻人嘅關係，奶茶走了糖，更飲得出好香好濃嘅茶底，香澀茶味配搭甜甜哋嘅黑糖條條又幾夾喎！
繼續閱讀