Crêpe Delicious (MOKO新世紀廣場) (已搬遷) 新店位置

假日去食TEA時特別食左呢間平時位於MOKO Food Court的甜品店。以前喺🇫🇷法國讀書嘅時候，街邊都有好多賣crêpes的店鋪，但返到嚟香港🇭🇰之後，就再搵唔番呢一類型嘅餐廳。我特別入呢間餐廳度食，就係想試吓搵唔搵得返呢種感覺；成個餐$146，我冇拎到單據，但非常記得是這一個價錢。但係朋友好似對crêpes冇咩特別興趣，所以我就遷就佢叫咗呢一個芒果千層拿破崙蛋糕（芒雪千層)🍰。平時食開帝苑嘅，如果抱住同樣嘅心態去食呢一舊拿破崙，就應該會有所落差；呢一番說話亦都係坦白講嘅，如果OpenRice俾出嘅話，就出啦😂但我認為呢度所做嘅創新，係非常值得欣賞。佢中間嘅芒果🥭，並唔係平時嘅慕絲或者係忌廉，而係用咗一個說道超級硬嘅芒果Sober整成，冰硬的一舊雪糕，但內裏有好豐富嘅芒果味，再配合埋頂層嘅忌廉一齊食，個層次好豐富之餘，口感亦都酸中帶甜；仲有千層酥嘅牛油味，係幾唔錯嘅👍之後我哋再叫咗一杯紫薯意式雪糕奶昔，同其他地方唔同嘅係，呢一杯飲品嘅內涵，係用紫薯Sober攪拌而成，再加上忌廉，所以唔會好似其他用糖漿嘅餐廳一樣咁甜，反而味道比較清新，值得一讚。