Mango Mania (已結業)

芒果🥭嘅滋味真係令人難以抗拒，每次去泰國想信大家同我一樣一定要食過夠本先返香港。而家疫情冇得去旅行，有幸可以黎到本店品嚐各款果香濃郁的滋味甜品，畀我頂一頂口癮。舖頭環境好舒服，寬敞開揚，裝修好似泰國當地新派餐廳。超級芒果狂熱 Super Mango Mania 68元選擇困難症嘅可以揀呢個甜品，因為包羅曬芒果雪糕，芒果布甸，芒果糯米飯，好豐盛嘅芒果盛宴。芒果超甜超多汁，聽講係餐廳喺泰國自己種植同運嚟香港㗎。芒果蜜糖吐司Mango Honey Toast 58元小朋友一定鍾意嘅甜品，香甜嘅蜜糖吐司，中間有啲糯米飯，仲有一球椰汁雪糕，配半個芒果食，真係幸福好滋味