Mango Mania (已結業)

而家無得去旅行，唯有去過江龍泰國甜品餐廳，尋找旅行嘅味道。餐廳專賣芒果甜品，亦標榜用新鮮芒果，啱晒芒果控呀！Super Mango Mania ($68)好似我咁心大心細或者有選擇困難症嘅朋友，揀呢個超級芒果狂熱就最適合不過。一碟有齊幾款甜品，包括芒果糯米飯、芒果雪糕同芒果布甸，樣樣都試到，唔洗左揀右揀咁頭痕！糯米飯口感軟熟，煙煙韌韌，好有泰國風味。芒果雪糕香甜幼滑，芒果味濃厚。自家製芒果布甸，每啖都係香甜芒果味。