綠林甜品

營業中

休息中

同朋友去到深水埗，晚餐淨係食左少少野，到左九點幾個肚已經打哂鼓，咁梗係要食翻個甜品先，就黎試試大熱既綠林～未到十點宵夜時間，已經有頗長既人龍，我地都要等大約十五分鐘左右先入到去喔！我就叫左個芒果布甸加鮮什果($40)實物賣相我覺得仲靚過圖片喔! 鮮什果包括西瓜、芒果、木瓜、哈蜜瓜等等。水果水準一般般，無乜甜味，呢個有少少失望。但中間個芒果布甸相反就好impressed。布甸入面竟然會有一粒粒既芒果，非常足料，而且味道係啱啱好，仲會有淡淡快地既芒果香味，加上少少淡奶，唔會過甜，味道好match，讚！朋友就叫左個楊枝甘露配豆腐雪糕($39)楊枝甘露個味道唔錯喔，芒果汁同奶既份量控制得啱啱好，既食到芒果汁既鮮果味，又食到奶香味，唯一不足既係柚子過酸。相對於芒果布甸，豆腐布甸就顯得失色不少，豆腐布甸味道太過淡，根本就食唔出豆香味......