綠林甜品

營業中

休息中

路過見到呢間店嘅門頭寫住四十週年，秉承住老字號唔會令人失望嘅想法進店，果然無一踩雷🥳店裡除咗經典款嘅港式糖水杏仁茶、芝麻糊、燉奶之流之外，仲有楊枝甘露、班戟、豆腐布丁等潮流產品，以及新舊結合嘅豆腐花系列飲品，令我哋犯咗選擇困難，最後喺老闆娘嘅介紹下選擇咗三款產品🍽楊枝甘露 + 豆腐布丁楊枝甘露愛好者可以肯定芒果汁係新鮮芒果製成嘅！一口落去都係芒果嘅香味🥭，而唔係預製嘅香精味🤤豆腐布丁亦唔係常見嘅罐頭布丁，嫩滑到入口即化，仲有淡淡嘅豆香味。整體搭配恰到好處唔會太甜，夏天嚟一口絕對係解暑神器！🍽仙草芋圓小丸子經典又唔失新意嘅一款，唔知食咩嘅時候揀呢個就啱啦！手工製作嘅仙草味道就係特別唔同，口感同嚼勁都係食過就唔會忘記！🍽芒果班戟超級大嘅兩個芒果班戟，皮薄餡大，入面係滿滿嘅奶油同一大塊嘅整塊芒果，只要咬落去就知道呢度隱藏嘅誠意。唔想食太多奶油嘅人仲可以揀班戟 + 雪糕嘅搭配🥳店面好整潔乾淨，可以感覺到一直有熟客喺度。老闆娘係個好熱情嘅店二代，如果能夠堅持下去嘅話，呢間店肯定仲會迎來好多個40週年～

綠林甜品 📍：香港深水埗元州街77-79號地舖🚗：深水埗地鐵D2出口 步行3分鐘📞：+852 2361-4205💲：~HKD30-60/head for desserts Food quality✔️：合桃露、生磨粟子粒露👌🏼：芒果布甸總結：😋深水埗區甜品臨立 競爭咁大間 呢一間可以生存到肯定有啲水準👏🏼😋啲甜品擺盤好簡單 打卡唔到 但足料入味好食😋生磨粟子粒露比較稀見 唔係度度都有 呢碗粟子都好足料👍🏼😋但比較出色係合桃露 雖然其貌不揚但夠稠夠味 好香 推薦🤔但芒果🥭布甸就普通啲😨想要打卡嘅朋友就會失望🙍‍♀️了 擺盤環境都唔係影相好地方 都冇咩服務 最緊要快

比較了附近的糖水店，還是選擇了這裏，晚上八點鐘並不多人，所以是能夠聊天的。我們分別選了傳統糖水，我吃的是喳咋，份量覺得是中規中舉吧，花奶的味道也是合適的，大約五分鐘就送上桌了，熱的凍的都咁上下時間吧。付款方面除了使用八達通，也接受其他的移動支付，如果時間晚到十點，就會非常嘈雜，衛生間的清潔程度就算是還可以吧，畢竟在老區的舊樓，這是很難對衛生絕對的把關。地點是就近的，所以下次要是在附近，也有機會到來光顧，就是喜歡簡簡單單的中式糖水。

好嬲囉😡😡事故:我上星期去綠林食咗碗楊枝甘露加芒果布甸$55，覺得好好味，份量又足，食完好滿意，呢個價錢，抵俾。掛咗好多日，諗住今晚收工搭車出去買碗糖水返屋企食，好好享受下，點知⋯⋯個外賣一攞到上手，我呆左😳同一個價錢，但細碗咗大半，咁點解收我$51（上次俾咗張$5優惠券，滿$50就可以用)，係咪我用咗-$5，我碗糖水就細咗，咁我俾番5蚊你，你俾足我丫。我而家見到碗糖水都嬲，咩胃口都冇哂😤😤😩😩

在深水埗逛街後去食糖水，來到了綠林甜品，店內有不少食客，幾乎滿座，等位數分鐘便能入座。點了碗秋季時令的生磨栗子粒露，雖然糖水內有些栗子碎粒，可我卻嚐不出栗子香，只嚐到一股甜味。只能說這款糖水的濃稠度適中。同行親戚點了自磨芝麻糊，據說味道不錯。芋圓地瓜圓仙草系列有6款選擇，伴侶選了A4那款，有芋圓、地瓜圓、仙草、蕃薯、蓮子、桃膠配蕃薯薑湯，可說這一餐中最難食的一款糖水蕃薯薑湯不熱的，芋圓及地瓜圓不論賣相及味道都是fail，無味之餘，質感偏硬實，完全沒煙韌口感。如斯質素索價$54！擂沙湯圓 (5粒)都是難吃，湯圓皮軟稔得過份，同樣絲毫煙韌口感也欠缺。即使有再多的椰絲花生碎，也彌補不了那種軟爛口感。這次吃完難食的幾款糖水後，即使送贈優惠券，我也絕不會回頭。

【心涼的創意混搭術！】  去深水埗的「綠林甜品」，這次試了兩款夏日限定組合。「涼粉果肉西瓜汁+抹茶雪糕」「解暑神器」！大大粒西瓜多汁，甜度清新自然。頂上的抹茶雪糕更是一絕，茶香濃又唔苦，和西瓜汁意外地搭，簡直是奇幻組合。 「紅粒+豆丁（芋頭雪糕）」朋友好快食到崩解，紅豆煮得綿密卻保留顆粒感，配上「芋頭雪糕」——濃郁到像在吃冷凍版芋泥，朋友話「芋頭控必食！」  綠林的甜品份量從不手軟，價格親民是穿越回10年前。朋友去親深水埗都食，重話排隊也值啦！ 😆🍨

食完文記車仔麵，一定會再去埋深水埗的老字號糖水店 - 綠林甜品食埋糖水先走。佢的新式+舊式甜品都很不錯。佢普遍的食品價錢都合理，款式都好多，好多街坊見住佢由傳統糖水轉型到出新式糖水。佢的芝麻糊豆腐布丁、糖不甩、楊枝甘露、椰汁黑珍珠、燉奶、海鹽奇異果汁等等都非常美味芝麻糊豆腐布丁真係必食，濃濃既芝麻味再加上Q彈的豆腐布丁。味道、口感都match得非常一流。糖不甩夠曬Q彈，口感粘粘彈彈，一粒粒糯米團上加上花生、椰絲、砂糖或糖漿拌勻，又香又Q。

綠林從前是不錯。今天專程為生磨粟子露來，恕我不懂欣賞，完全吃不出粟子味，是一碗似有甜味和颜色的熱豆粉水，浮着一些碎粟子，有點可憐，無以名狀，吃得十分不是味兒。友人吃的熱鲜奶燉蛋配紅豆，我試一口，蛋白竟然很老，和從前我在綠林吃吃過的不一樣，蛋白的老，是老得有煲煑很久的蛋的獨特味道，放在咀裡，很爽，不滑，不熱，紅豆更是凍的，整個甜品都沒熱度。甜品本來可以療治沮喪，我今天其實沮喪，吃完才真的沮喪。埋單時送的$5 券不會再用得着了。

今次係晚飯前入舖頭，可能未夠鐘食糖水啦，有好多座位，唔使等即刻入去有得食啦喺門口經過，就係見到生磨栗子粒露而決定行入去嘅😎呢個甜品唔係成日見到，又有季節時令，咁就心思思行入去試吓啦🤩 記得好耐之前食過，入面有好多原粒栗子好香甜的，一直念念不忘。上枱! 🧐努力啲都係搵到栗子粒嘅😝食落好暖胃，甜度適中，尚算不錯🙂可以，合格啦😆呢間舖頭真係有好多甜品款式，都諗咗好耐先揀到另一款食咩好😅最後揀咗另一款係川貝海底椰無花果燉雪梨😋得喎，呢一碗好清甜，好潤，喜出望外啊☺️呢啲咁乾燥嘅天氣飲就啱晒😉估唔到呢一款好似好低調咁但又好好味喎😋😋為食B報告完畢🤭

綠林甜品在深水埗踏入第40個年頭, 在現在香港的餐飲業界, 也算是很長壽的存在. 在我們的讀書之中, 吃完晚飯後飲糖水就是晚飯的延續, 除了吃甜品外也是為了延續與友相聚的時間, 地點方便, 消費相對比起其他深宵活動, 例如是去酒吧或者唱卡拉OK便宜, 有着很多年輕時的回憶, 至於糖水味道如何? 其實真的不太重要, 正如以前去酒吧喝酒, 最重要的是便宜一點, 能坐久一點, 什麼紅酒白酒, 甚至是啤酒的味道, 也不太理會.香港的糖水舖, 以這家為例, 有着以前華洋雜處的風格, 除了傳統中式糖水, 例如是芝麻糊和合桃露之外, 也提供不少西式風格的甜品, 例如是心太軟和布甸, 甚至是中西的結合, 正如我們點的楊枝甘露布甸, 在香港的糖水舖, 芒果是很重要的食材, 因為我們很容易從世界各地進口不同風味的芒果, 這次店家用的比較甜. 另外點的蓮子合桃露, 還有芋圓和涼粉, 甜中帶些少甘味, 最重要是如此的大雜燴, 真的吃得飽, 當然味道不會是什麼的驚為天人, 但這不太重要, 吃的是回憶嘛!

蛋白燉鮮奶，個外賣碗已經比平時嗰啲糖水細，仲要得四份一個碗咁多😢楊枝甘露芒果布甸，唔知係天氣熱定點，買幾次返屋企都變壞咗既，冬天外賣係無問題既，夏天一律唔建議外賣

難以理解為何咁多好評中式糖水成本平…做法又好簡單…….豆都未煮開仲要賣$3x…西式甜品更嚴重，去到非常難食地步，$5x-6x……一次中伏就夠了….一間正常甜品店的程度也去吾到………………….……………………………………………………………………………….超失望香港糖水品質去到這樣

豬事孖寶對中式糖水情有獨鍾，覺得中式糖水鋪有出品令人再回味係幾成功；而綠林最令我地印象深刻嘅就有芝麻糊，佢地嘅自製湯圓，烏豆桑寄生茶同杏仁茶烏豆桑寄生茶桑寄生茶味濃郁，回甘而不會苦澀，豆大大粒有咬口，唔會硬實實；桑寄生對身體有益，可以去濕舒壓，尤其對女性養生更有益。不過桑寄生茶同崩大碗一樣，鍾意就好鍾意，唔鍾意就會怕個種味薑汁湯圓薑汁係配角，湯圓先係主角，喜歡人手包，皮薄軟糯，芝麻餡濃香流心。但今次有點失準，薑水不夠熱，湯圓皮太厚，有點失望！

嚟到呢間店，第一啖嘅豉油皇炒麵就深深吸引到我，麵條啱啱好，彈牙得嚟唔會太硬，每一條麵都包裹住淡淡嘅豉油香味🍜。跟住食嘅白灼菜心，簡簡單單，點嘅蠔油恰到好處，唔會搶咗青翠菜心嘅甜美🌿。肥牛粒又係另一樣我超愛嘅嘢，牛肉好嫩滑，同埋甜辣醬嘅搭配正揪，辣味唔會太過，仲帶有少少甜意，令人一口接一口🌶️🐄。最正嘅應該係跟住上嘅鹹魚雞粒煲仔飯🍚！啲雞粒同鹹魚嘅香氣攞咗住個煲仔唔放，飯粒鬆軟，每啖都有驚喜。最後，一碟炒通菜作收尾，賣相雖然普通，但通菜爽脆喺口感上同之前嘅菜做咗個好輝映🥬。食完之後散發嘅滿足感而家都仲係幽幽地圍繞住我。呢間嘅飯局，確實係難以忘懷嘅一餐，會令人回味無窮㗎。🍽️【絕對要再黎！】

嗌咗個「楊枝甘露，芒果布甸」$53，如圖之前分開食兩樣都鍾意食，但係原來夾埋一齊食，我覺得口感麻麻！於是我叫個店員俾個碗仔我等我分返開食！之後我又叫店員芒果布甸想加啲花奶！佢竟然同我講加花奶要收錢😳之後好施捨地給我少少花奶！😡🤬唔怪得知咁多人返大陸消費！已經唔係平。