影片
更多
2022-05-04
1146 瀏覽
今次介紹呢間小店其實幾年前已經bookmark咗想試但因為位置比較遠同冇堂食拖拖下不了了之咗🙃今次有去開荔枝角即刻唸起要過去買埋芋泥產品sss🥳記得之前睇過報導 知道店主曾經去台灣拜師學藝小店採用嘅都係台灣最出名嘅大甲檳榔心芋頭💓務求將台灣芋泥糕點嘅原味道帶返嚟今次一試 果然係有認真學藝！******************************💕原味芋頭酥 ($45/2PC) 之前喺台灣都係買禮盒裝多，第一次食到新鮮製作嘅芋頭酥，賣相幾靚，一層接一層，似足台灣嘅芋頭酥，聽台灣朋友講過呢種係好晒功夫嘅一種糕點嚟㗎。芋頭控就緊係要試原味，外皮酥脆鬆化，入口都有芋泥香味，甜度適中，唔會太甜。😋💕蛋黃味芋頭酥 ($45/2PC) 好得意，蛋黃味連個皮都係黃色嘅😜 有驚喜到，色彩繽紛見到都開心啲😝 同樣係包咗芋頭餡，中間夾咗蛋黃，食落口感再豐富啲。唔係芋頭控嘅男朋友鐘意呢個多啲，佢話香啲喎，但我呢啲芋頭控一定投原味一票🙊💕爆漿芋心蛋卷 ($95) 呢個真係不得了❗第一啖咬落去震憾到唔識形容❗因為終於揾得返台灣 #香帥蛋糕 嘅果種味道❗😍😍😍本身就咁睇個包裝，以為得咁細條？點知一拎上手好重 .
其實幾年前已經bookmark咗想試
但因為位置比較遠同冇堂食
拖拖下不了了之咗🙃
今次有去開荔枝角即刻唸起要過去買埋芋泥產品sss🥳
記得之前睇過報導
知道店主曾經去台灣拜師學藝
小店採用嘅都係台灣最出名嘅大甲檳榔心芋頭💓
務求將台灣芋泥糕點嘅原味道帶返嚟
今次一試 果然係有認真學藝！
******************************
💕原味芋頭酥 ($45/2PC)
之前喺台灣都係買禮盒裝多，
第一次食到新鮮製作嘅芋頭酥，賣相幾靚，一層接一層，似足台灣嘅芋頭酥，聽台灣朋友講過呢種係好晒功夫嘅一種糕點嚟㗎。芋頭控就緊係要試原味，外皮酥脆鬆化，入口都有芋泥香味，甜度適中，唔會太甜。😋
💕蛋黃味芋頭酥 ($45/2PC)
好得意，蛋黃味連個皮都係黃色嘅😜 有驚喜到，色彩繽紛見到都開心啲😝 同樣係包咗芋頭餡，中間夾咗蛋黃，食落口感再豐富啲。唔係芋頭控嘅男朋友鐘意呢個多啲，佢話香啲喎，但我呢啲芋頭控一定投原味一票🙊
💕爆漿芋心蛋卷 ($95)
呢個真係不得了❗
第一啖咬落去
震憾到唔識形容❗
因為終於揾得返台灣 #香帥蛋糕 嘅果種味道❗😍😍😍
本身就咁睇個包裝，以為得咁細條？
點知一拎上手好重 ......
芋泥蛋卷切開時 啲芋頭係多到痴實晒把刀 出手好重🤩
蛋卷好有蛋香味，中間食落仲有少少芋頭粒。芋泥好綿好滑，芋頭味香濃，用大甲檳榔心芋頭製成嘅野，質素果然係有保證😍
2個人食唔晒，第2日拎咗去氣炸鍋焗一焗熱再開心share比朋友試下，又幾好食啵😆 一開爐勁香... 蛋卷邊脆脆的，芋泥翻熱咗再綿啲，暖暖地口感幾正，係另一種風味。
不過個蛋卷拎到返屋企個邊邊有少少壓到變左型🥲
如果可以改善到包裝 keep到造型會更好
******************************
小結：
可以喺香港食到咁純正嘅台灣芋泥蛋卷真係好開心😋食完有滿滿嘅幸福感 (冇誇張 相信芋頭控會明)
大推爆漿芋泥蛋卷💓，好足料可以分2-3餐食，但要注意雪藏都只可以擺2日。其實芋頭酥都幾好嘅，但係食完芋泥蛋卷之後，真係冇得比 ... 下次有機會會再想試下其他芋頭產品。
爆漿芋泥蛋卷
$95
60 瀏覽
1 讚好
0 留言
張貼
