羅東肉焿番

營業中

休息中

睇餐牌見到有芋泥甜品，好想試，我哋叫左芋泥肉鬆吐司,另外收左2個麵餐。芋泥肉鬆吐司呢件芋泥肉鬆吐司好大份，好多芋泥，又好多肉鬆，夾埋一齊食，都好夾，啲芋泥甜甜哋，好好味！推介大家試下！紅燒牛肉湯麵餐呢碗紅燒牛肉麵都好大碗，入面有舊大大嘅牛肉，非常足料。個湯底飲到好濃嘅中藥藥材味，感覺好正宗，好養生！另外，跟餐仲配埋蛋餅，我哋揀咗肉鬆蛋餅，蛋餅軟軟哋，又熱辣辣，趁熱食超好味！胡椒豬肚雞腳米線餐個湯好重胡椒味，好好飲。另外，豬肚都好爽，冇怪味，雞腳就煲到好腍，好入味，真係唔錯。個餐仲配埋鹽酥炸雞扒，估唔到個雞扒都炸得幾鬆脆，好味！