初麥手作烘焙

營業中

休息中

新界仔出省，難得過北角，一次過買晒咁幾樣野試。買完海南雞，又食沙嗲牛肉麵。決定黎買埋個吐司同埋蛋撻。剛剛到步，但他新鮮出爐。因為食咗下午茶嘅關係，決定買返去做晚餐嘅甜品。頑固四周，都唔見到吐司，咁就問一問收銀員，原來就係放咗喺收銀櫃側邊。$35一件吐司實在唔平。本身淨係買開心果，但難得過嚟港島區，最後就買埋個芋蓉。個人比較鍾意食酥皮蛋撻，但係呢個牛油皮又做得幾出色，有鹹香味。返咗屋企未食飯已經食咗，重點係佢唔會太甜，仲有少少暖暖哋唔錯。相對嚟講，個開心果吐司就遜色少少。頂層朱古力開心果係做得幾好，但係內層嘅開心果加咗好似啲乳酪，酸酸地就唔係我想像中咁嘅味道。反而芋泥餡更加出色，一口咬落去有滿滿嘅幸福感。好彩有買埋個芋泥餡。開心果餡就近排係澳門食個個就出色好多。