糖町芋泥甜品

營業中

休息中

行過土瓜灣見到呢間糖町芋泥甜品，佢個名已經夠晒吸引，芋泥控嘅我點可以錯過！即刻入去試下佢哋嘅招牌芋泥甜品！⭐芒果綿綿冰呢個綿綿冰一嚟到，嘩，賣相已經好吸引！個冰嘅芒果味唔會話好假，係天然嘅芒果香甜味，加埋啲芒果肉，真係好甜好好味😋！仲有丸子同龍珠，口感豐富，正呀👍！⭐芋泥麻薯腦袋杯呢個絕對係我嘅心頭好！一打開蓋就聞到好香嘅芋泥味，食落口，芋泥好濃郁，加埋煙煙韌韌嘅麻薯，真係無得輸！一入口，真係只有😍😍😍同大滿足！入面仲有啲鮮奶，令到成個甜品更加滑順。個面頭仲有脆脆嘅，增加咗口感，正👍！真係太好食啦🤤！⭐奧利奧抹茶奶凍呢個奶凍真係好滑溜，入口即溶咁！而且佢哋啲芋泥唧出嚟嘅花好靚，睇得出好用心。除咗可以就咁食個奶凍，加埋oreo碎就變咗oreo味嘅奶凍，同芋泥一齊食，又變咗芋泥味嘅奶凍，真係好多食法，隨你DIY！重點係無論你點DIY都係咁好食😋！