長洲冰室

營業中

休息中

週末到長洲遊，知道有一間食芋圓既糖水舖，本應想去飲冰滴咖啡，但往咖啡店途中，被呢間糖水舖既門面吸引，原來與咖啡店一街之隔，芋圓與咖啡，我最後選擇芋圓。雖然係週末，可能已經下午4點，所以不用等就有位坐。翻開menu，除咗芋圓係主打外，亦有其他甜品選擇，例如芒果糯米飯，心太軟等。我們一心想試芋圓，所以揀咗最簡單既「招牌綜合三色圓」。「招牌綜合三色圓」一到，看似細碗，但食落份量不少，料也蠻足，有薏米、紅豆、仙草、西米同主角芋圓。芋圓少少淋身，但味道不錯，有8-10粒左右，其他配料正常，除仙草外，食落總覺得有陣膠味，但男友說沒有，可能自己味覺罷了。一讚是糖水不太甜（店舖窩心有糖水係枱面按自己喜好加甜）。以$28一碗糖水而言，CP值蠻高的，坐得又舒服，又唔會刻意趕你走，可以作小休站！