長洲冰室

營業中

休息中

幾個月冇嚟長洲冰室，今次朋友從外國返嚟，我哋就去敍舊。以前多係夜晚嚟，今次星期日下午，竟然好多人，搵枱都唔易。Menu 換咗，仲有相片，睇得舒服啲。我叫咗芒果豆花多花奶，芒果夠甜，豆腐好滑，糖水細味配合花奶，唔會太甜，好正！🍧

以前是自家製的棉棉冰 現在像是供應商取貨一樣 （ 這個供應商的貨 非常多人使用 而味道也非常普通）唯一沒變的是價錢 65蚊一碗 令人非常失望 如果是希望吃回以前的味道 不如不要去 就讓味道留在記憶中整個餐牌 應除了芋圓是自家製外（也不太肯定） 都應是取大路貨的 他們一向生意都不差 實在不明為何 要這樣犧牲品質 芒果沒有芒果香 雪糕沒有雪糕味 專程入長洲去食 實在令人失望 沒有下一次 吃到中途 真的想離開 為免浪費 勉強吃完 完全覺得是浪費quota

長洲冰室開咗好多年細個黎已經食緊價錢依然差唔多材料份量亦都好夠🥰又平又好食，芒果紫米小丸子$38真係食完個肚都飽滯小丸子好好食芒果都好好新鮮紫米軟軟糯糯加埋啲椰奶正另外一碗芒果豆腐花雪糕朋友好快就清晒嚕

好耐之前食過長洲冰室，覺得佢雖然貴，但係足料，所以都好好食。今次再去長洲，專登去幫襯佢，點知大失所望。叫咗個椰汁紫米露芋圓，椰汁味好淡，紫米完全唔香，芋圓好硬好實…..成碗嘢完全搵唔到優點……另一個叫咗芒果小丸子，芒果味唔香，小丸子冇口感….Ok…夜晚宵夜食甜品時間…..見間鋪都咁靜冇人…..自己做臭自己個名…..冇人都值得的…..好傷心一間以前覺得好好食，同朋友有開心回憶嘅小店……今日竟然墮落到呢個水平……長洲大把好嘢食，奉勸大家都係留到去食其他啦🫠唔好浪費quota 🫠🫠🫠

一年一度既夏天又黎嘿，同朋友和仔仔一定要嚟長洲玩一趟，呢間長洲冰室好多年啦，每次嚟都要入去食嘢回味一下，裏面嘅「泰式奶茶三色圓冰」真係每次嚟長洲的必食之選，朋友同埋仔仔一試都大讚，雪糕好味，芋圓煙靭有咬口，重點配埋泰式奶茶冰，三個人食一份啱啱好🤭 雖然仔仔食完想再黎多round🤣🤣，同埋最緊要舖頭冷氣超級夠凍，食冰冇甘快溶，入嚟降吓溫先，跟住再食返一碗冰，唞一唞儲吓體力，之後再出去其他地方再食過和玩過💪🏻💪🏻

今日嚟到長洲，想搵間甜品店坐低食，咁啱見到呢間嘢。一入到去服務員完全冇反應，冇叫我哋坐邊 所以我哋是但搵咗個位坐低咗 我哋七個人一齊去 佢呢度一人至少叫一個食物。我哋嗌咗一個70幾蚊嘅芒果刨冰，嚟到之後超級細個，啲芒果冰仲要唔新鮮 發黑，仲要好酸。其他嗰啲一碗嘢都要50幾，都唔好食 芒果全部都好酸。

長洲冰室，唔講以為係一間茶餐廳，其實係間間甜品店！ 主打手工芋圓的甜品店。呢度個裝修風格偏簡約又文青風格，係店鋪門口打卡一流。我地個日天后誕入長洲感受節日氣氛，特登坐咗喺小店分室外室內坐位，非常悠閒，而且甜品選擇亦都非常之多。 甜品店主打手工三色圓、刨冰、仙草、奶凍，仲有更有中式糖水&日式蕨餅之類，更特別既係佢地自家製既桂花糖，親手將啲乾桂花逐少逐少去除樹枝同埋枯葉等等雜質，加配上各款甜點都十分清新！ 可試！

想食好耐，不過次次都好多人，我又唔鐘意排隊，所以一直都冇試，難得今日唔使排隊，即刻試下😋安排坐窗邊位，影相都幾靚😋椰香芋泥三色圓仙草（温/凍）$45今日天氣好熱，決定食凍😆芋泥食落口感綿密，不過仍保留到少許顆粒感，口感上會更豐富，仙草甜度適中，加埋淡淡椰香味，食落感覺幾清爽，冇負擔感！泰式奶茶挫冰 $75挫冰奶茶味幾出，有少少嘅奶香味，不過就略甜，如果冇咁甜就好啦😝配料有芋圓、雪糕，味道正正常常，食晒成碗都幾飽肚！

行完長洲小長城，天氣好熱，急不及待想去食返碗冰。見好多foodie都推介呢度嘅泰式奶茶剉冰，於是我都嗌咗碗嚟試吓。餐廳冷氣唔大，店員服務態度幾好。$78嘅價錢，本來以為會大碗少少，點知原來好細碗，有剉冰、紅豆、三色芋圓、雪糕。泰式奶茶味好淡，唔係好食得出。三色芋圓幾煙靭，不過冇乜甜味。紅豆就幾甜幾沙。雪糕奶味唔重，唔易溶。幾種野加起嚟冇好夾。天氣咁熱都冇令我覺得佢好好食😂.長洲冰室 (長洲)長洲北社海傍路19C號地舖

之前入長洲玩，實在食咗好多好多美食😋特別係甜品呀🧉，真係大把好食～呢一間「長洲冰室」就位於北社個邊～會有剉冰同芋圓等，主打新派啲嘅甜品～「🥭芒果糯米飯+椰皇水」雙色糯米飯，綠色嘅自然係斑蘭味～糯米飯夠軟糯唔會硬，至於芒果亦都好甜仲啖啖肉😋配埋清清甜甜嘅椰皇水，解渴一流～「🧉芒果椰汁雙圓椰皇燉奶」雙圓就係小丸子同芋圓，2個丸都好軟糯煙靭～芒果都係大大粒又甜🥭配上清清甜甜嘅椰皇燉奶，滋潤又好味😋

天气渐凉，长洲岛的旅游旺季过去了长洲冰室竟然有优惠活动工作日八折‼️淡季，冰室的生意真的不怎么样我去的时候，竟然只有我这一桌🫣.🍃环境：室内室外都有位置正好落日黄昏适合坐室外看落日品美食💁服务：服务不错看我带着的是小BB并没有要求我要一人点一份🍽️出品： 黑糖红豆三色圆豆花 💰43折扣下来只要💰35很大一份，味道不会过于甜腻三色圆➕红豆🫘➕豆腐花好吃😋.总体不错，上次打卡是19年的时候了这家的甜品种类相当多丰富各种排列组合超级劲超

今次入長洲，都係食方面做左d功課。今次去食甜品，跟google map行到地址，我以為自己去左茶餐廳🤣 簡約冰室裝修風格走向台灣風，走文青路線，門口一定要打卡！小店分左室外室內坐位，唔會坐得好侷促，馬上印象加分到坐低睇咗食咩，就入去收錢處落單俾錢就等食，諗食邊款都諗到頭都大，但真係好難揀，太多款想食最後叫左芒果糯米飯 🥭 超大個完整芒果果肉，食落啖啖肉，鮮甜多汁。糯米飯椰香味好濃郁，有綠色斑斕味同原味糯米飯，十分煙靭，口感多方面享受，因為加上米通脆脆，食得好過癮

長洲冰室以自家冰品及多元化的配搭作主打，首次光顧可以選擇集大成的仙草黑糖三色圓剉冰。濃郁的黑糖冰上鋪滿多款配料，包括嫩滑仙草、煙韌三色圓、芋泥、紅豆及西米，口感豐富，消暑一流。Cheung Chau Bing Sutt specializes in shaved dice with diversified topping. The classic assorted shaved ice features grass jelly, taro balls, mashed taro paste, red beans and sago.

當日係空肚入嚟長洲，第一餐就係嚟咗食糖水！！而我就係食芋泥嗰碗。呢個糖水超級滿足我😭😍😍有齊晒我最鍾意嘅食物：芋泥、芋圓、仙草！佢又唔會話死甜，甜度剛剛好，芋圓係彈牙的。

黎到長洲行程一定係食食食😜😂 因為都有好多間想食 但只能忍痛作出選擇😂個胃實在不能由朝食到晚🫣今次揀呢間甜品鋪 我都幾乎黎親都幫襯因為佢好多款都不錯 👍🏻👍🏻👍🏻去到坐低睇咗食咩 就入去counter俾錢就等食但真係好難揀 太多款想食 好在今次我地有幾個人 可以叫唔同款試 yeah🤭🤭🤩芒果糯米飯 $50芒果夠熟夠甜 椰漿夠多唔會太甜 份量足夠一啖芒果一啖糯米飯拌椰漿 滿足😌 🤩雪糕D24榴槤花奶奶凍 $50未放落枱已經聞到陣陣D24榴連香飄過黎🤭 興奮😜 雪糕+果肉+奶凍 啖啖都超濃郁 榴連愛好者必食👍🏻🤩多芒小丸子仙草 $45以前讀書最鍾意食許留山嘅超多芒小丸子系列 為咗要懷緬一下 超多芒小丸子嘅味道 但味道有啲分離 唔係個種好融合嘅感覺 不過芒果都好夠香夠甜 小丸子都有咬口 但本人都係比較鍾意兒時味道😛🤩芒果三色圓冰🍧 (唔記得幾錢🫣)呢個咁勁嘅甜品口感味道夠晒豐富 同埋夏天咁熱 真係啱晒 芒果甜👍🏻 芋丸口感Q彈😋 略嫌淨食個冰味道就唔算好濃 不過連埋雪糕 芒果+冰一齊食就啱啱好 🙌🏻