四川重口味

營業中

休息中

東大街新開四川菜餐廳，餐廳有地下及閣樓兩層，裡面都幾大，還有一排窗邊卡位，光線充足，坐得幾舒服。古法龍抄手（韭菜）$48抄手可以揀白菜餃或韭菜餃，我哋揀韭菜餃大大隻，餡料豐富，蒜蓉蔥辣椒等配料醬汁，拌勻食麻麻辣辣好滋味。孜然雞中翼 ＄58上菜已經聞到孜然的香味，炸得外皮香脆又juicy。飄香火鴨煲（半隻）$158跟住火爐上菜，熱辣辣又飄香，鴨件好嫩滑，紅蔥、蒜頭、辣椒、芫荽等材料，吸收晒醬汁好好味。紅糖糍粑 $48/6條紅糖糍粑好軟綿，帶少少煙韌，黑糖味不太甜，炸得不錯！紅豆燒仙草$28、桃膠冰粉甜品&28紅豆綿滑，仙草清涼解暑再加紅豆爆珠增加口感，超正。桃膠滋補養顏，還有粒粒紅豆爆珠咬下加埋冰粉解暑一流。