杭州酒家

營業中

休息中

定期好友聚會又到。跟老友食家研究一輪之後，決定嚟呢度開餐...老友點名要預訂半份火燑老鴨湯及富貴雞，當然照做la...^_^朋友好久未見，顧住傾計，基本上係"食不知其味"，只可以憑僅餘嘅記憶嚟寫呢篇嘢...五小條有青瓜海蜇、燻魚、糖醋小排骨、萬年青及醬鴨。海蜇入味夠爽；燻魚煙燻味有點不足，但勝在夠味；小排骨可能有D攤涼咗，汁變得杰撻撻，唔得；萬年青從杭州空運到嚟，口感有D似馬蘭頭，味道獨特，可一試；醬鴨食落感覺有點像鹹臘鴨，鹹鹹香香，尚可...龍井蝦仁就令人大失所望--- 茶葉下得不夠，河蝦全無茶葉香；最重要嘅係碟底實在有太多油嘞。雖謂傳統上海菜主要味道係"大鹹大油"，但"大油"並不等同於"油膩"，但見碟底盡是油漬，不由然一皺眉頭...炸響鈴嘅件頭比以前食過嘅大，味道跟龍井蝦仁一樣，還是太油膩了，墊底嘅吸油紙登時大派用場....老鴨湯係全晚最出色嘅 --- 極香火腿味，湯清澈而又不算太油，亦有鴨獨特膻味；試一口鴨肉，肉難得地仍然頗滑而不嚡，連一向少食湯渣嘅我都食多幾啖...要食杭菜，必定要食東坡肉及清蒸鰣魚。今晚唔想叫東坡肉，就單嚟一條鰣魚。肉頗滑，但略嫌不夠肥，靚鰣魚魚肚必會有層黃油