泰濃麵 (蘭芳道) (已結業)

日日都有三十幾度，胃口都麻麻，最好就係食麵，廣東麵又成日食，男仔話無得出遊，好掛住泰國船麵，我提議下不如去近近地既「泰濃麵」。銅鑼灣分店地方好大，坐得好舒服。店員都好有禮貌，唔會吹我哋落單。其實依度除咗船麵, 海南雞飯都出色, 仲有好多小食選擇添。泰式船麵可以自由配搭，男友喜歡食海鮮，揀左「卜卜蜆金邊粉$88配船湯」船麵轉眼間已奉上，先喝一口船麵的靈魂，色澤深沉嘅船湯，濃郁嘅香料味湧出來，絕對可以刺激味蕾。超大碗當然材料也十足，有彈牙魚蛋、卜卜蜆、炸豬皮、秋葵、芽菜、白蘿白。五大隻卜卜蜆新鮮、肥美、超juicy ，食蜆都食飽；金邊粉彈牙索味，超滿足。唔知好彩定唔好彩去到啱啱海南雞飯估清，我等咗20分鐘「海南雞脾飯」$76終於上枱。加左$8 就有原隻去骨鷄肶，絕對無吾加既理由。黃油雞肶油光閃閃，肉質香軟細嫩，連鷄皮都脆香可口; 呢廿分鐘絕對係抵等。黃茅薑飯，夠入味又夠香，口感乾爽不油，我遜間巳經將整碗飯送入肚內，超滿足。食泰國菜點可以錯過炸蝦餅蝦餠即點即做 「泰式炸蝦餅」$38冬甩型的炸蝦餅超可愛, 配上泰式炸蝦餅,口感香脆彈牙，蝦味濃郁，一點都不會油膩，它已經成為我既「海南雞」No.