影片
更多
2023-12-12
40 瀏覽
《WM Cafe & Bar - 荃灣》又係荃灣系列，今日屋企冇野食。早少少出去行下買下野，等埋女朋友放工食埋飯先返屋企，所以好多時都會喺海之戀食飯。今次去海之戀3樓嘅WM Cafe & Bar，係一間舒適闊落嘅西餐廳，一睇就知係做熟客生意，好適合一家人食飯嘅地方。坐低一叫左野食就會上黑糖麵包，大家對呢樣包都唔陌生，因為呢個係某連鎖餐廳嘅名物。比起果個偏硬身嘅造法，呢間呢個麵包就傾向外脆內軟，黑糖香味微微地滲透，切開一片片，每片配上少少牛油，放鬆心情準備好好享用晚餐。烤澳洲豬鞍扒配時令蔬菜•薯蓉 $198我點嘅係烤澳洲豬鞍扒，一端上黎有少少令我驚艷！豬鞍扒外皮烤得恰到好處，出哂煙，所以香味四溢。好厚！但冇因為咁而影響外層同中間肉質有差異。肉質鬆軟又多汁，特別係脂肪部份非常香。蔬菜新鮮爽口，薯蓉軟滑細膩有牛油香。特別要讚係佢配左少少磨成粉末嘅檸檬葉，配上豬鞍扒十分解膩清新！細心營造味道同口感，out of expectation！芝士芥末焗蟹肉忌廉長通粉 $138另一份係芝士芥末焗蟹肉忌廉長通粉，長通粉唔會焗到硬，都唔會煮到腍哂，濃郁嘅芝士芥末醬睇得出餐廳想俾到獨特口味食客，所以成個長通
又係荃灣系列，今日屋企冇野食。早少少出去行下買下野，等埋女朋友放工食埋飯先返屋企，所以好多時都會喺海之戀食飯。今次去海之戀3樓嘅WM Cafe & Bar，係一間舒適闊落嘅西餐廳，一睇就知係做熟客生意，好適合一家人食飯嘅地方。
坐低一叫左野食就會上黑糖麵包，大家對呢樣包都唔陌生，因為呢個係某連鎖餐廳嘅名物。比起果個偏硬身嘅造法，呢間呢個麵包就傾向外脆內軟，黑糖香味微微地滲透，切開一片片，每片配上少少牛油，放鬆心情準備好好享用晚餐。
烤澳洲豬鞍扒配時令蔬菜•薯蓉 $198
我點嘅係烤澳洲豬鞍扒，一端上黎有少少令我驚艷！豬鞍扒外皮烤得恰到好處，出哂煙，所以香味四溢。好厚！但冇因為咁而影響外層同中間肉質有差異。肉質鬆軟又多汁，特別係脂肪部份非常香。蔬菜新鮮爽口，薯蓉軟滑細膩有牛油香。特別要讚係佢配左少少磨成粉末嘅檸檬葉，配上豬鞍扒十分解膩清新！細心營造味道同口感，out of expectation！
芝士芥末焗蟹肉忌廉長通粉 $138
另一份係芝士芥末焗蟹肉忌廉長通粉，長通粉唔會焗到硬，都唔會煮到腍哂，濃郁嘅芝士芥末醬睇得出餐廳想俾到獨特口味食客，所以成個長通粉充滿豐富嘅層次感。而個蟹肉份量都夠多，成件事濃厚得黎唔會話食兩啖就覺得好滯。
呢間咁近屋企但都係第一次食，真係比我想像中有水準，相信之後耐唔耐都會去食下！我感覺呢間野d扒應該係幾得，下次試試
張貼
