NINETYs (K11購物藝術館) (已結業)

今日喺尖沙咀行街睇戲,尖沙咀真係乜都有得買，最重要係多美食多餐廳選擇。今日經過K11見到間餐廳環境好舒適所以入去試吓。Ninety’s 西餐廳,餐廳裝修得好整潔而且空間感非常大,同朋友喺度傾偈食嘢有一種好放鬆嘅感覺。Grilled Australian Lamb Chump Cap w / mint salsa 218元,羊扒賣相相當吸引,入口肉質非常嫩滑仲要好Juice，羊肉處理得啱啱好邊位帶少少焦香，配搭埋新鮮嘅配菜一齊食味道又清新又食到羊肉嘅香味。切開羊肉仲係好嫩淋，味道香濃真係好好食。Lobster pasta 248 ,龍蝦意粉份量好多,仲有半隻龍蝦,龍蝦肉非常鮮甜,肉質爽口彈牙,食得出食材好新鮮。意粉煮到啱啱好，軟硬度適中，加上吸收左龍蝦嘅鮮味又有蕃茄嘅清香，食落去味道層次都幾豐富，酸酸甜甜又有龍蝦嘅鮮味。Latte 最後梗係要嘆番杯咖啡，咖啡味道香濃。呢度食晏簡直係一個享受同放鬆，餐廳比到我一種非常舒適嘅感覺。下次去開尖沙咀都會再嚟幫襯。