影片
更多
2014-10-01
3306 瀏覽
帶肥髀去迪士尼玩夜場前，先去醫肚，就近青衣城，青衣城食店雖然多，但連鎖店為主，無乜特色，肥髀想食牛扒，就去呢間，去到唔使等位，坐大堂中間梳化位，地方光猛乾淨，難得樓底好高，桌椅又唔迫，唔會好嘈！侍應見我多袋，仲主動比個布箱我放袋！放櫈底唔會佔地方！好細心！唔會午餐可以出沙律吧任食沙律、果汁及湯！若我只點一個午餐，肥髀就要加$88先可以出去食沙律！反而我叫多份最平午餐都係$108，只係多$30就可以多款食物！而肥髀又有得食沙律！主菜未到，先去食沙律，款式都好多，而且添補得好密！唔會亂糟糟！自己最喜歡一款中華沙律，即係木瓜沙律，唔係泰式爽口木瓜，係熟木瓜切粒，木瓜熟得來帶爽口！好清新！而沙律菜好新鮮，配油醋汁酸味味好開胃！薯仔沙律好滑，唔膩！好清爽嘅口感！主菜15分鐘左右上，重量級三重奏主菜，有安格斯牛扒，牛扒問我要五成熟，就真係做到五成熟！淋身唔韌，裡面有肉汁，醬汁用小碗另上！幾細心！羊扒一樣做到五成熟，有兩支骨，肉質淋而唔蘇！肉腸好大條，皮脆肉嫩，旁邊拌碟嘅薯蓉球好滑，連蔬菜係炒過，有味道的，唔係淨灼菜！份量唔大，對我同肥髀剛好！意粉份量都唔大，扁意粉有咬口，鮮蝦大隻爽口，蔬菜新鮮！鮮
唔會午餐可以出沙律吧任食沙律、果汁及湯！若我只點一個午餐，肥髀就要加$88先可以出去食沙律！反而我叫多份最平午餐都係$108，只係多$30就可以多款食物！而肥髀又有得食沙律！
主菜未到，先去食沙律，款式都好多，而且添補得好密！唔會亂糟糟！自己最喜歡一款中華沙律，即係木瓜沙律，唔係泰式爽口木瓜，係熟木瓜切粒，木瓜熟得來帶爽口！好清新！而沙律菜好新鮮，配油醋汁酸味味好開胃！薯仔沙律好滑，唔膩！好清爽嘅口感！
主菜15分鐘左右上，重量級三重奏主菜，有安格斯牛扒，牛扒問我要五成熟，就真係做到五成熟！淋身唔韌，裡面有肉汁，醬汁用小碗另上！幾細心！羊扒一樣做到五成熟，有兩支骨，肉質淋而唔蘇！肉腸好大條，皮脆肉嫩，旁邊拌碟嘅薯蓉球好滑，連蔬菜係炒過，有味道的，唔係淨灼菜！份量唔大，對我同肥髀剛好！
意粉份量都唔大，扁意粉有咬口，鮮蝦大隻爽口，蔬菜新鮮！鮮茄蓉醬汁唔會太酸！好味道！
甜品係一件細件檸檬慕絲蛋糕，上面有幾粒朱古力脆脆球！慕絲好香檸檬味！好滑！味道偏酸！可以解膩！侍應話甜品可以加錢轉窩夫（見侍應拎住其他食客嘅窩夫走過，賣相都唔錯），可惜實在太飽！所以無轉！
餐飲叫了熱檸茶，正常，茶味一定無茶餐廳咁香濃！
店員服務好好，勤快之外，基本上一個眼神都有人望見然後走來服務，店員細心，好多時都會比到有用意見！好窩心！
張貼
