嶼坊

營業中

休息中

週六自助午餐折埋三百多係幾抵食。酒店地點確有些偏遠，10分鐘路程以外才有巴士站，但在酒店門口，發現原來有穿梭巴(往返東涌站及世茂喜來登)，不過班次表上面，表示期間限定︰2021年6月25日-8月31日 每天0800-2230 半小時一班；而我們這次是自駕車去，所以沒坐這部穿梭巴，若這段期間考慮坐shuttle bus，可先致電酒店問問。(酒店地庫有停車場，好多位，廿蚊一個鐘)。一入門口，目光被大大隻嘅凍麵包蟹吸引咗！「嶼坊」座位都幾雅致，我這次坐在大窗邊，景觀一半一半，因為…半邊見到大海、另半邊係地盤，我去食嘢啫，唔望地盤個風景就好好㗎喇…。私心推介︰蛋撻仔(我覺得鬆化過澳門嗰啲)、迷你漢堡包(塊肉好juicy)，焗芝士牛肉飯都好好味！呢度自助午餐款色不算好多，但平均來說質素幾高。因為用咗好多時間拆蟹，好似未食到好多嘢咁，12點食到2點半，都好似唔夠時間咁呢。坐得舒適、服務員又nice，嘢又幾好食，確係假日好節目。