蒲羅

營業中

休息中

今日放工有啲肚餓，同朋友試咗呢間新加坡菜,入到去餐廳環境好舒服，有東南亞風味。點左下午茶餐：巴生肉骨茶配雞油香飯。個飯好香，飯質好，一啲都唔油膩，食晒成碗都唔會覺得滯。肉骨茶裡面有杞子，原個蒜頭，味道好香濃，有三條豬骨，好足料，肉仲好有質素。大大碗 ，配上油條簡直絕配，唔會失望！下午茶餐飲叫左美綠哥斯拉，上面有脆美綠舖面，好飲！見未食過，朋友試左地道老鼠粉。煲仔上菜，熱度十足，有半生熟窩蛋舖面，拌勻好香，仲有脆脆魚仔，口感十足。雖然係下午茶，份量一啲都唔細,飲埋杯嘢飲好飽，好滿足！