茜廊餐廳 (德福廣場1期)

營業中

休息中

之前食過幾次，貪佢坐得幾舒服又唔係貴。今次又係黎食set lunch 。嗌左燒春雞配牛柳，有餐湯，沙侓同麵包。沙侓上面配西瓜都幾特別，平時多數都係粟米同蕃茄仔㗎嘛。餐湯都市型唔係Hea做，超多蔬菜係入面酸酸地，好開胃。仲有個蒜蓉多士啊，烘得好脆。食完呢堆之後其實已經飽咗七成。燒春雞都幾大隻，味道都啱啱好。唔會太鹹或者無味。牛柳反而有少少失望，冇乜牛肉嘅香味。不過都算幾淋。下次可以試下其他。大家記住臨走嘅時候會有張優惠券，不過到期日都好快，每次再嚟嘅時候都過咗期。